46:960  Voyla  donc  comme  il  nous  faut  prattiquer  ceste  doctrine,  que  nous  ne  laissions  pas  de  venir  a.  nostre  Seigneur  Iesus  Christ,  combien  que  nous  ne  trouvions  de  prime  face  en  luy  ce  que  nostre  chair,  c'est  a��  dire  nostre  sens  naturel,  appete.  Mais  combien  qu'il  ait  este  enveloppe  de  drapeaux  en  sa  naissance,  qu'il  ait  este  iette  la  en  la  creche,  scachons  et  soyons  resolus  qu'il  n'a  pas  laisse  toutesfois  d'estre  Mediateur  pour  nous  attirer  a  Dieu.  son  Pere,  pour  nous  donner  ouverture  au  Royaume  des  cieux  duquel  nous  estions  du  tout  forclos.  Et  auiourd'huy  encores,  combien  qu'il  ne  regne  pas  en  pompe,  et  que  son  Eglise  soit  mesprisee,  qu'il  y  ait  une  simplicite  en  sa  Parolle  laquelle  les  grans  de  -ce  monde  reiettent:  quant  a  nous  ne  laissons  pas  pour  cela  de  tousiours  nous  tenir  a  luy,  et  nous  assuietir  a  son  empire  en  une  vraye  obeissance  de  foy.  Pour  exemple,  quand  on  preschera,  ce  n'est  pas  une  chose  pour  nous  attirer  beaucoup  laelon  nostre  coustume.  Nous  orrons  un  homme  parler:  et  qui  est-il?  Il  ne  sera  point  de  grande  dignite  et  reputation:  et  puis  en  somme  il  n'y  a  que  la  parolle:*d'autre  coste  en  ce  qui  est  presche  par  l'Evangile  il  y  a  beaucoup  de  choses  qui  nous  sembleront  contre  toute  raison,  quand  nous  en  voudrons  iuger  a  nostre  appetit.  Ainsi  cognoissons  que  nous  ne  pourrions  pas  nous  ranger  a  ce  que  Dieu  nous  monstre  et  declare,  sinon  que  nous  soyons  abbatus  en  premier  lieu.  Quant  est  de  la  confirmation  qu'il  nous  a  adioustee  a  sa  Parolle,  nous  avons  les  Sacremens.  Et  une  goutte  d'eau  nous  suffira-elle  pour  nous  asseurer  de  la  remission  de  nos  pechez,  et  que  Dieu  nous  a  adoptez  pour  ses  enfans,  et  que,  si  nous  sommes  caduques  et  fragiles,  toutesfois  nous  serons  revestus  de  sa  gloire  celeste  qui  iamais  ne  defaudra?  Pourrons-nous  prendre  un  gage  et  seurete  de  choses  si  grandes  et  si  excellentes  en  un  peu  d'eau?  En  la  saincte  Cene  un  morceau  de  pain  et  une  goutte  de  vin  suffiront-ils  pour  nous  asseurer  que  Dieu  nous  advoue  pour  ses  enfans,  que  nous  vivons  en  Iesus  Christ,  et  qu'il  n'ha  rien-de  separe  d'avec  nous?  Car  plustost  il  semble  que  ce  soit  chose  de  neant  que  telles  ceremonies  qui  n'ont  point  de  grande  pompe.  Ainsi  donc  nous  voyons  encores  mieux  que  ce  qui  est  recite  yci  des  Pasteurs  nous  appartient,  et  que  nous  avons  auiourd'huy  a  en  faire  nostre  profit:  c'est  ascavoir  que  nous  ne  laissions  pas  d'approcher  de  nostre  Seigneur  Iesus  Christ,  et  d'estre  asseurez  que  c'est  luy  auquel  nous  trouverons  tout  bien,  toute  resiouissance  et  toute  gloire,  combien  qu'il  semble  qu'il  soit  encores  comme  en  l'estable  et  en  la  creche,  enveloppe  de  drapeaux:  c'est  a  dire  qu'il  y  ait  beaucoup  de  choses  qui  nous  pourroyent  desbaucher,  et  pour  le  moins  esblouir  les  yeux  pour  n'appercevoir  point  la  gloire