9:96  commentum  libere  convelleret.  Quoties  ergo  exoriuntur  turbae,  iurene  an  iniuria  utrinque  pugnetur,  disceptandum  est.  Sed  meam  de  renovatis  turbis  querimoniam  intempestive  Westphalus  alio  transfert.  Nam  quum  inter  [pag.  116]  ecclesias,  quae  puriorem  evangelii  doctrinam  amplexae  sub  uno  Christi  vexillo  contra  papatum  militant,  ignem  infausti  dissidii,  qui  sopitus  fuerat,  de  integro  repente  exarsisse  dolendum  sit,  iure  dixi  malo  auspicio  a  diaboli  flabellis  excitatum.  Itaque  illa  Westphali  quaestio  insulsa  est:  Si  ante  annos  vigintiquinque  diabolus  iam  excitaverat  tragoediam,  qua  fronte  nunc  ipsum  motae  discordiae  peragam  reum:  quando  nunquam  de  primo  insultu,  sed  tantum  de  belli  instauratione  verba  feci,  cuius  ipse  post  diabolum  culpam  sustinet.  Nam  Thomam  Monetarium,  Melchiorem  Pellionem  et  Nicolaum  Pelargum,  *)  homines  jnihi  incognitos  accusare  quorsum  opus  fuit?  quibus  nocendi  facultas  pridem  adempta  fuit.  Et  certe  si  me  in  turba  premi  contingat,  cum  aliis  expostulare,  nisi  qui  me  urgent,  stultum  esset.  Lepide  vero  incendiario  me  comparat,  qui  non  modo  clam  suggero  materiam,  sed  palam  iactis  ignibus  accendo  aedificia,  et  accurrere  prohibeo  qui  subiectas  flammas  restinguant.  Mihine  qui  piae  sanaeque  conciliationi  semper  dedi  operam,  haec  merces  nunc  referenda  est?  Quid  enim  a  me  nuper  novum  emersit?  Quin  potius  meo  cum  fratribus  [pag.  117]  Tigurinis  Consensu  mitigari  exasperatos  adversae  partis  animos  decuit:  sicuti  literis  Viti  Theodori  ostendam  id  eum  magis  optasse  quam  sperasse.2)  Hortatus  fueram  ne  Lutheri  libros  illius  inauspicati  certaminis  mentione  inficeret.  Respondit,  si  modo  impetrare  possem,  ut  quod  in  Consensu  doctrinae  genus  sumus  complexi,  apud  meos  amicos  valeret,  sibi  ad  quiescendum  iustam  fore  causam.  Gaspar  vero  Cruciger  3)  non  minus  ex  animo  mihi  subscripsit,  idque  privatim  testatus  est,  quam  qui  nomina  palam  ediderunt.  De  mortuis  tantum  loquor,  ne  si  vivos  proferam,  graviorem  in  eos  impetum  faciat  Westphalus.  Quia  tamen  ex  illorum  ingeniis  multos  alios  aestimabam,  speravi  Consensu  nostro  in  publicum  edito  multos  qui  antehac  acerbius  commoti  fuerant,  pacatum  iri  nobisque  fore  magis  propitios.  Hanc  spem  meam  si  frustratus  est  Westphalus,  non  fuisse  tamen  de  nihilo  conceptam,  1)  De  Thoma  Muntzer  o  non  est  quod  te  moneamus.  Nicolaum  Pelargum  (Storch)  ex  famosis  illis  prophetis  Zwiccaviensibus  fuisse  memineris  quibuscum  Luthero  res  fuit  De  Melchiore  Hoffmanno,  qui  ab  arte  quam  olim  exercuerat  pellio  dicebatur',  verba  fecit  Cunitzius  noster  in  Rerzogii  lexico  VL  191.  2)  Quae  sola  exstat  Viti  Theodori  ad  Calvinum  epistola  {Ed.  Genev.  p.  62,  Laus.  p.  139,  Hanov.  p.  156,  Amst.  p.  37)  non  eadem  prorsus  habet  quae  hic  memorantur,  ita  ut  vel  a  Calvino  amplificatam  vel  a  Beza  truncatam  suspiceris.  S)  Crucigeri  ad  Calvinum  nulla  exstat  epistola.