8:96  Dieu  purge  les  coeurs  des  hommes  par  foy.  Ainsi  donc  quand  sainct  Paul  dit  en  ce  passage,  que  nous  avons  este  eleus  de  Dieu  pour  estre  saincts  et  sans  macule,  il  comprend  la  foy  sous  cela.  Car,  c'est  autant  comme  s'il  disoit,  que  nous  sommes  pleins  de  pollution  en  nous,  et  qu'une  partie  de  cette  pollution-  la  est  quand  nous  sommes  incredules;  comme  il  dit,  que  les  incredules  ont  leurb  pensees  corrompues  et  souillees  devant  Dieu.  Que  faut-il  donc?  Que  nous  venions  a  ceste  election  gratuite  de  Dieu,  si  nous  voulons  avoir  une  seule  goutte  ou  un  seul  grain  de  purete.  Ainsi  donc  nous  voyons  que  la  foy  procede  de  la  seule  election  de  Dieu,  c'est  a  dire,  que  Dieu  illumine  ceux  qu'il  avoit  choisis  par  sa  bonte  gratuite  devant  la  creation  du  monde.  Et  c'est  ce  qu'il  dit  aussi  bien  a,u  8.  chapitre  des  Romains.  Il  met  ceste  sentence  en  premier  lieu,  que  Dieu  fait  tourner  [page  8]  toutes  choses  en  bien  a  ceux  qu'il  aime.  (Rom.  8,  27.)  Or,  il  adiouste  puis  apres  une  correction,  afin  qu'il  ne  semble  point  aux  hommes  qu'ils  se  disposent  a  salut,  et  qu'ils  acquierent  un  tel  bien  par  leur  vertu,  ii  dit:  Voire  a  ceux  qui  sont  appelez  selon  le  propos  de  Dieu,  (ibid.,)  comme  s'il  disoit:  Vray  est  que  le  tout  nous  sera  converty  en  mal  et  en  ruine  si  nous  n'aimons  Dieu:  et  faut  que  ceste  amour  de  Dieu  soit  en  nous,  si  nous  voulons  que  le  tout  nous  soit  en  aide;  mais  n'estimons  pas  pourtant  que  ce  soit  a  nous  de  commencer,  car  il  faut  que  Dieu  nous  previenne.  Et  qu'ainsi  soit,  qui  sont  ceux  qui  aiment  Dieu?  Ceux  qui  sont  appelez  de  luy  (dit-il),  voire  selon  son  propos.  Il  nous  rameine  encores  a  ce  mot  que  nous  avons  expose,  c'est  assavoir,  a  ce  conseil  immuable  qui  est  en  Dieu,  qui  ne  sort  point  de  soy-mesme,  mais  prend  la  cause  en  sa  pure  bonte,  pourquoy  il  fait  cecy  ou  cela.  Voila  comment  il  nous  faut  entendre  ceste  election  que  met  sainct  Paul  de  ceux  qui  sont  appelez  selon  le  propos  de  Dieu.  Et  la  notamment  il  parle  du  propos  [page  9J  de  Dieu.  Et  pourquoy?  Afin  que  nous  sachions  que  c'est  une  vocation  certaine,  qui  se  fait  avec  efficace  et  vertu.  Car  Dieu  appellera  bien  les  incredules:  mais  ceste  vocation-la  ne  suffit  pas  pour  les  convertir.  Il  ne  touche  point  leurs  coeurs  au  vif:  il  ne  donne  point  une  telle  vertu  a  sa  parole,  qu'elle  demeure  en  eux.  Mais  quand  il  nous  appelle  selon  son  propos,  qu'il  nous  convertit  a  soy,  c'est  d'autant  qu'il  nous  a  esleus:  comme  il  adiouste  puis  apres,  que  ceux  qu'il  a  cognus  au  paravant,  il  les  a  esleus,  et  qu'il  les  a  appelez;  ceux  qu'il  a  appelez,  qu'il  les  a  iustifiez.  (Rom.  8,  28.  29.)  Sainct  Paul  met  icy  divers  degrez,  mais  le  fondement  commence  par  la:  c'est  assavoir,  que  Dieu  a  cogneu  les  siens.  Et  comment  cognus?