58:96  expose.  Car  il  faloit  que  Iesus  Christ  fust  comme  la  fontaine  de  ceste  benediction,  laquelle  a  decoule  sur  tout  le  lignage  d'Araham.  Il  est  vray  que  les  fideles  qui  en  sont  descendus,  ont  este  benits,  et  participans  de  ceste  promesse:  mais  c'a  este  en  vertu  de  nostre  Seigneur  Iesus  Christ.  Ainsi  donc,  s'il  estoit  separe  de  la  semence  d'Abraham,  il  est  certain  que  tout  seroit  sterille,  et  sec,  qu'il  n'y  auroit  une  seule  goutte  de  benediction.  Or  auiourd'hui,  puisque  Dieu  par  sa  bonte  infinie  a  voulu  que  son  Fils  unique  nous  appartint,  nous  sommes  conioints  avec  les  vrais  enfans  naturels  d'Abraham  :  et  combien  que  nous  soions  de  ces  nations  de  la  terre,  qui  estoient  alors  esgarees  de  l'Eglise  de  Dieu,  et  qui  en  estoient  esloignees  du  tout,  si  est-ce  qu'auiourd'hui  nous  sommes  benits  aussi  bien.  Car  s'il  estoit  dit,  Ie  beniray  ta  semence  :  et  que  Dieu  n'eust  rien  adiouste,  auiourd'hui  ceci  nous  seroit  bien  maigre  :  mais  quand  il  est  dit,  Que  toutes  nations  de  la  terre  seroient  benites  en  la  semence  d'Abraham:  nous  sommes  du  nombre.  Voila  enquoy  nous  avons  a  nous  resiouir,  sachans  puisque  nostre  Seigneur  Iesus  Christ  nous  est  apparu,  que  ceste  promesse  nous  est  appliquee.  Ii  est  vray  que  souvent  en  l'Escriture  sainte  il  est  dit,  Qu'on  se  benira  en  un  homme,  quand  on  le  prendra  pour  exemple  et  miroir:  et  qu'en  desirant  d'estre  bien-heureux,  on  dira,  Que  Dieu  me  face  comme  a  cestui-ci,  ou  comme  a  cestui-la:  mais  l'interpretation  de  saint  Paul  nous  monstre  que  ce  qui  a  este  dit  tant  a  Abraham  qu'a  Isaac,  n'a  pas  este  seulement  en  ce  sens-la  :  mais  il  est  dit  ailleurs,  que  les  fideles  se  beniront  en  Dieu.  Ainsi  il  est  dit  maintenant  qu'ils  se  beniront  en  la  semence  d'Abraham.  Or  nous  avons  a  cercher  tout  nostre  bien,  et  nostre  salut  en  celui  seul  qui  en  est  la  fontaine:  comme  il  est  dit  au  Pseaume  trentesixieme.  Mais  pource  qu'il  y  auroit  trop  longue  distance  et  que  nous  ne  pourrions  pas  monter  si  haut,  nostre  Seigneur  Iesus  Christ  s'est  approche  de  nous,  et  nous  avons  les  eaux  vives  en  lui  :  il  ne  faut  sinon  que  nous  venions  boire,  comme  il  dit,  Venez  a  moy,  et  quiconques  a  soif,  qu'il  viene:  car  i'ay  les  eaux  vives,  et  quiconque  en  boira,  non  seulement  il  en  aura  pour  soy,  mais  aussi  les  rivieres  decouleront  de  son  ventre,  et  les  fontaines  d'eaux  vives,  pour  en  donner  aux  autres.  Quand  donc  nous  voions  que  Dieu  nous  a  voulu  communiquer  privement  tous  ses  biens  en  la  personne  de  son  Fils  unique,  tant  moins  y  ail  d'excuse,  si  nous  ne  venons  pour  recevoir  part  en  ceste  benediction,  laquelle  nous  est  proposee.  Aiv  reste,  non  seulement  il  est  dit  que  toutes  nations  de  la  terre  seront  benites,  mais  il  est  dit  qu'elles  se  beniront:  non  pas  que  nous  puissions  acquerir  ni  apporter  benediction  de  nostre  coste,  ni  par  nostre  vertu  et  industrie  :  mais  il  faut  que  chacun  se  benisse  en  Iesus  Christ  par  foy.  Car  tout  ainsi  qu'il  nous