56:96  aller,  vous  et  vos  petis.  Regardez,  car  le  mal  est  devant  vous.  ll.  Non  pas  ainsi.  Mais  entre  vous  hommes,  allez,  et  servez  a  l'Eternel  :  puis  que  vous  avez  fait  ceste  requeste,  et  les  chassa  de  la  face  de  Pharao.  12.  Lors  l'Eternel  dit  a  Moyse,  Esten  ta  main  sur  la  terre  d'Egypte  pour  la  locuste,  afin  qu'elle  monte  sur  la  terre  d'Egypte,  et  brouste  toute  l'herbe  de  la  terre,  et  tout  ce  qui  est  reste  de  la  gresle.  13.  Moyse  donc  estendit  sa  main  sur  la  terre  d'Egypte,  et  l'Eternel  amena  un  vent  Oriental  tout  ce  iour-la,  et  toute  la  nuict:  et  quand  ce  veint  le  matin,  ce  vent  Oriental  fit  lever  les  locustes.  14.  Et  les  locustes  monterent  sur  toute  la  terre  d'Egypte,  et  les  envoya  sur  tous  les  quartiers  d'Egypte  fort  pesantes.  Ii  n'y  en  avoit  point  eu  de  telles  devant,  et  n'y  en  aura  point  de  telles  apres.  15.  Et  elles  couvrirent  le  dessus  de  toute  la  region,  et  la  terre  en  fut  obscurcie:  et  mangeront  toute  l'herbe  de  la  terre,  et  tout  le  fruict  des  arbres  que  la  gresle  avoit  laisse,  et  ne  demeura  nulle  verdeur  aux  arbres  et  aux  herbes  des  champs,  en  toute  la  terre  d'Egypte.  16.  Lors  Pharao  se  hasta  de  rappeler  Moyse  et  Aaron:  et  dit,  I'ay  peche  contre  l'Eternel  vostre  Dieu  et  vous.  17.  Or  maintenant  ie  te  prie  pardonne-moy  mon  peche,  seulement  pour  ce  coup:  et  priez  l'Eternel  vostre  Dieu,  afin  que  seulement  il  retire  de  moy  ceste  mort.  18.  Il  sortit  d'avec  Pharao,  et  pria  l'Eternel.  19.  Et  l'Eternel  leva  a  l'opposite  un  vent  Occidental  merveilleusement  fort,  lequel  leva  les  locustes,  et  les  ietta  en  la  mer  rouge1):  il  ne  demeura  point  une  seule  locuste  en  toute  la  region  d'Egypte.  20.  Et  l'Eternel  endurcit  le  coeur  de  Pharao,  et  ne  laissa  point  aller  les  enfans  d'Israel.  21.  Lors  l'Eternel  dit  a  Moyse,  Esten  ta  main  au  ciel,  et  il  y  aura  tenebres  sur  la  terre  d'Egypte,  tant  qu'on  touchera  les  tenebres.  22.  Moyse  donc  estendit  sa  main  vers  le  ciel:  et  il  se  fit  des  tenebres  obscures  en  tout  le  pays  d'Egypte  par  trois  iours.  23.  Si  que  l'un  ne  voyoit  pas  l'autre,  et  nul  ne  se  leva  de  son  lieu  par  trois  iours:  mais  a  tous  les  enfans  d'Israel,  il  y  eut  lumiere  en  leurs  habitations.  24.  Lors  Pharao  appela  Moyse,  et  dit,  Allez,  servez  a  l'Eternel:  seulement  vos  brebis  et  vos  beufs  demeureront,  mesme  vos  petis  enfans  iront  avec  vous.  25.  Mais  Moyse  respondit,  Tu  nous  bailleras  aussi  en  nostre  main  les  sacrifices  et  holocaustes  que  nous  ferons  a  l'Eternel  nostre  Dieu.  26.  Et  nos  troupeaux  aussi  viendront  avec  nous,  sans  qu'il  en  demeure  une  ongle:  car  nous  en  prendrons  pour  servir  a  l'Eternel  nostre  Dieu,  et  nous  ne  savons  pas  de  quoy  nous  devons  servir  a  l'Eternel,  iusques  a  ce  que  nous  soyons  la  parvenus.  27.  Mais  l'Eternel  endurcit  le  coeur  de  Pharao,  et  ne  les  voulut  point  laisser  aller.  28.  Et  l)  46  suiv.  .-'O.  conserve  le  terme  hebreu.