35:96  tout,  cependant  que  Dieu  les  poursuit  en  sa  rigueur  :  mais  maintenant  Eliu  adiouste,  Que  Dieu  nous  envoyant  ce  message  de  la  remission  de  nos  pechez,  previent  ce  mal-la  que  nous  ne  tombions  au  sepulchre,  c'est  a  dire,  que  nous  ne  perissions  :  car  il  n'est  point  question  ici  seulement  d'une  mort  temporelle,  mais  de  la  perditon  ou  nous  serions  abysmez,  n'estoit  que  Dieu  anticipast,  et  nous  en  preservast  par  sa  bonte  infinie.  Notons  donc  que  cependant  que  nous  sommes  affligez,  nous  sommes  couverts  des  tenebres  de  mort,  et  semble  bien  qu'il  n'y  a  nulle  issue:  mais  toutes  fois  durant  ce  temps-la  Dieu  nous  soustient  comme  en  cachette:  et  combien  que  nous  n'appercevions  pas  que  nous  soyons  appuyez  sur  luy  si  est-ce  toutes  fois  qu'il  nous  fait  ceste  grace.  Car  sans  que  nous  le  cognoissions,  il  faut  bien  que  Dieu  y  besongne,  sans  que  nous  le  puissions  apprehender.  Et  defait  quand  nous  commencons  par  foy  d'apprehender  sa  bonte,  ce  n'est  pas  qu'il  nous  faille  la  mettre  le  premier  poinct  de  nostre  salut:  mais  il  faut  monter  plus  haut,  assavoir  que  devant,que  nous  fussions  nais  il  nous  a  choisis  a  soy,  et  que  suivant  cela  il  continue  tousiours  sa  bonte  envers  nous.  Ainsi  donc  notons  que  Dieu  nous  choisit  par  sa  bonte,  d'une  facon  secrete,  et  qui  est  incomprehensible  a  nostre  sens  naturel.  Et  puis,  quand  ii  luy  plaist  de  nous  manifester  sa  bonte,  ce  qu'il  fait  quand  son  Evangile  nous  est  presche,  alors  il  nous  monstre  qu'il  veut  que  nous  soyons  delivrez  du  sepulchre.  Nous  appercevons  donc  nostre  delivrance,  et  nostre  salut,  quand  nous  goustons  les  promesses  de  son  Evangile,  non  pas  que  cela  se  face  tout  a  un  coup  en  perfection,  mais  Dieu  nous  en  donne  quelque  petit  goust,  et  de  plus  en  plus  il  nous  y  conferme,  iusques  a  ce  que  nous  voyons  la  porte  de  paradis  qui  nous  soit  ouverte  pleinement,  et  que  nous  soyons  delivrez  du  sepulchre.  Voila  ce  que  nous  avons  a  retenir  sur  ce  mot.  Au  reste  quand  Eliu  dit,  Que  Dieu  a  trouve  reconciliation:  notons  qu'ici  il  nous  veut  encores  mieux  exprimer  ce  qu'il  a  touche  n'agueres  :  c'est  assavoir  qu'il  nous  faut  attribuer  a  la  bonte  gratuite  de  nostre  Dieu  l'appointement  qu'il  fait  avec  nous:  et  que  c'est  luy  qui  besongne,  voire  devant  que  nous  puissions  avoir  une  pensee  ni  affection  d'approcher  de  luy.  Car  il  faut  qu'il  nous  cerche  cependant  que  nous  sommes  esgarez,  et  que  nous  l'avons  mis  en  oubli:  selon  ce  qui  est  dit  au  Prophete  Isaie  (65,  1).  Yray  est  qu'il  nous  est  assez  commande  que  nous  cerchions  Dieu,  et  quand  nous  l'avons  offense,  que  nous  retournions  a  luy.  Mais  quoy?  Cela  ne  se  peut  faire  sinon  qu'il  nous  instruise  la  dedans,  et  qu'il  nous  touche  au  vif,  en  sorte  que  nous  soyons  contraints  de  nous  desplaire  en  nos  pechez.  Et  puis,  qui  est-ce  qui  nous  donne