31:96  modulos  compositus  fuit  Psalmus.  Quod  autem  disputant  interpretes  quam  victoriam  hic  praedicet  David,  meo  iudicio  inane  est.  Primum  quod  epinicium  esse  existimant,  in  quo  simpliciter  Deo  gratias  agat  David,  contextus  eorum  errorem  coarguit.  Etsi  enim  maior  pars  in  canendis  Dei  laudibus  consumitur,  tamen  hoc  totum  ad  precationem  referri  debet,  nam  ut  animum  suum  ad  fiduciam  erigat,  more  suo  commemorat  quam  insigni  Dei  potentia  ereptus  ante  fuisset  ex  vi  et  manu  hostium.  Quare  absurdum  est,  gratiarum  actionem,  quam  multas  liberationes  complecti  voluit,  ad  victoriam  unam  restringere.  2.  Celebrabo  Iehovam  in  toto  corde  meo:  narrabo  omnia  mirabilia  tua.  3.  Laetabor  et  exsuttdbo  in  te,  psallam  nomini  tuo,  o  JExcelse.  4.  Dum  vertuntur  inimici  mei  retrorsum,  concidunt  et  profligantur  a  facie  tua.  2.  {Celebrabo  Iehovam)  Ita  praefatur  ut  Deum  ad  opem  in  praesentibus  malis  ferendam  sibi  conciliet.  Nam  quia  Deus  continuo  tenore  gratiani  suam  erga  fideles  prosequitur,  quidquid  in  nos  contulit,  spem  nostram  in  posterum  tempus  fovere  debet.  Est  quidem  in  iis  verbis  gratitudinis  professio,  sed  tamen  se  hac  memoria  simul  animat  David  ad  bene  sperandum:  et  hoc  modo  ianuam  suae  precationis  aperit.  Totum  cor  pro  integro  accipitur,  vel  sincero,  quod  opponitur  duplici.  Ita  se  non  solum  a  crassis  hypocritis  discernit,  qui  summis  tantum  labris,  absque  interiore  affectu,  Deum  laudant:  sed  quidquid  praeclare  hactenus  gessit,  se  in  solidum  testatur  agnoscere  profectum  a  mera  Dei  gratia.  Nam  quamvis  profanos  quoque  homines,  ubi  aliqua  memorabili  victoria  potiti  sunt,  Deum  sua  laude  fraudare  pudeat,  videmus  tamen  postquam  uno  verbo  confessi  sunt  a  Deo  se  fuisse  adiutos,  statim  ad  vanam  iactantiam  relabi:  et  sibi  ipsis  canere  triumphos,  ac  si  Deo  nihil  deberent.  Denique  nihil  aliud  quam  ludunt,  quoties  obtendunt  Dei  nomen  suis  rebus  gestis:  quia  post  oblatum  Deo  libamen,  sacrificant  suis  consiliis,  industriae,  virtuti,  copiis:  ita  enim  sub  unius  superbi  regis  persona,  communis  omnium  ambitio  scite  perstringitur  a  propheta  Abacuc  capite  1,  16.  Imo  videmus  veteres  illos  et  famosos  duces,  quum  suo  nomine  supplicationes  decerni  peterent,  nihil  minus  quam  falsorum  deorum  honorem  curasse:  sed  tantum  fallaci  titulo  ad  suam  iactantiam  fuisse  abusos.  Quare  merito  David  filiis  huius  saeculi  so  dissimilem  esse  affirmat,  quorum  fallaciam  detegit  prava  illa  partitio,  dum  eius  laudis,  quam  se  Deo  tribuere  finxerant,  maiorem  ad  se  partem  rapiunt:  nam  certe  hoc  non  est  Deum  laudare  in  toto  corde,  si  vel  minimum  ex  eius  gloria  delibat  mortalis  homo,