27:96  la  Loy,  ni  les  Prophetes,  que  cela  estoit  aboli:  et  ces  blasphemes-la  ont  este  tenus,  ou  plustost  desgorgez,  tellement  qu'il  y  a  fallu  resister  puissamment:  qu'ils  n'ont  point  eu  honte  de  desgorger  telles  villenies  en  nos  presences  :  Qu'il  falloit  reietter  l'ancien  Testament,  et  que  cela  ne  nous  appartenoit  plus:  et  en  leurs  tavernes  ils  en  faisoyent  leurs  proverbes  communs:  Qu'il  suffit  d'avoir  l'Evangile,  c'est  a  dire,  qu'il  se  faut  contenter  de  ces  deux  mots,  qu'on  aime  Dieu,  et  qu'on  aime  son  prochain.  Voila  donc  comme  ils  ont  tasche  de  ramener  sur  nous  une  Turquie,  voire,  et  une  confusion  encores  plus  execrable,  quand  ils  ont  ose  prononcer  manifestement  toutes  ces  vilenies-la.  Notons  donc  que  ce  n'est  point  sans  cause  que  Moyse  dit  ici:  La  parolle  que  ie  vous  propose:  comme  s'il  disoit:  Ne  venez  point  ici  protester  par  feintise,  que  vostre  intention  est  bien  de  servir  a  Dieu,  mais  que  vous  n'accepterez  point  sa  Loy,  d'autant  que  ie  la  presche,  moy  qui  suis  un  homme  mortel  comme  vous,  et  que  ie  ne  suis  point  vostre  Dieu,  que  vous  ne  me  voulez  point  faire  un  idole:  n'alleguez  point  (ditil)  tous  ces  subterfuges  -  la  :  car  Dieu  m'a  constitue,  et  veut  que  sa  Loy  soit  receue  par  ma  main.  Or  puis  qu'il  m'a  donne  une  telle  charge,  et  office,  il  faut  que  de  vostre  coste  vous  y  obeissiez.  Maintenant  nous  savons  que  nostre  Seigneur  Iesus  ne  veut  point  ici  habiter  en  personne  visible  entre  nous:  il  a  establi  des  Pasteurs  en  son  Eglise,  il  veut  estre  escoute  par  eux:  c'est  la  perfection  a  laquelle  il  nous  a  amenez,  iusques  a  ce  que  nous  venions  a  ceste  heureuse  rencontre,  pour  estre  pleinement  conioints  a  luy.  Voila  les  parolles  de  S.  Paul.  Or  maintenant  si  nous  ne  voulons  nous  ranger  a  cest  ordre  la,  c'est  deschirer  le  corps  de  Iesus  Christ,  entant  qu'en  nous  est.  Advisons  donc  qu'il  nous  faut  donner  authorite  a  la  parolle  de  Dieu,  quand  elle  se  presche,  l'accepter  en  toute  reverence.  Ainsi  donc  quand  il  est  question  du  service  de  Dieu,  et  de  la  religion,  que  nous  n'allions  point  forger  des  speculations  hautes,  pour  dire:  Que  Dieu  me  monstre  ce  qui  luy  plaira,  et  alors  ie  le  feray.  Cela  est  une  vaine  excuse:  comme  nous  verrons  ci  apres,  que  Moyse  dira:  II  ne  faut  point  qu'on  passe  la  mer,  il  ne  faut  point  qu'on  voie  en  l'air,  il  ne  faut  point  qu'on  descende  aux  abysmes,  quand  tu  as  la  parolle  en  ton  coeur,  et  en  ta  bouche.  Or  ceste  parolle-la  (dit  S.  Paul)  n'est  point  seulement  celle  qui  a  este  preschee  par  Moyse:  mais  c'est  la  parolle  de  foy  que  nous  preschons  auiourd'huy.  Puis  qu'ainsi  est  donc,  retenons  que  Dieu  nous  a  voulu  tenir  comme  en  bride  courte,  quand  il  a  deciaire  qu'ils  nous  vouloit  assuiettir  a��  luy:  et  que  pour  ce  faire  il  nous  falloit  observer  la  doctrine  qu'il  proposoit  par  la