21:96  son  Commentaire  sur  Iosue.  Il  ne  peut  estre  a  la  Cene  de  Septembre;  car  la  maladie  le  contreignit  de  demeurer  bien  environ  deux  mois  en  la  maison.  Finalement,  sa  goutte  commenca  a  luy  donner  quelque  relasche  :  adonc  il  se  parforcoitl)  quelquesfois  de  sortir  dehors  pour  se  resiouir  avec  ses  amis,  mais  principalement  pour  lire,  et  mesmes  prescher,  se  faisant  porter  en  une  [g  6]  chaire  iusques  au  Temple.  Il  presenta  aussi  quelques  enfans  au  Baptesme,  en  estant  requis.  Mesmes  environ  la  mi  Ianvier,  il  proposa  le  commencement  du  prophete  Isaie  en  la  Congregation,  estant  requis  par  les  autres  Ministres,  qui  par  son  conseil  avoyent  prins  ce  livre-la  a  exposer  apres  Iosue.  Ainsi  ii  continuoit  a  faire  le  plus  qu'il  pouvoit  de  sa  charge  en  public,  trainant  tousiours  son  povre  corps  jusques  au  commencement  de  Fevrier  1564.  Car  le  Mecredi,  2.  iour  dudit  mois,  il  fit  son  dernier  sermon  du  livre  des  Rois,  et  a  deux  heures  apres  Midi  sa  derniere  lecon  en  l'escole,  assavoir  sur  Ezechiel;  et  le  Dimanche,  6.  iour  dudit  mois,  son  dernier  sermon  sur  l'harmonie  des  trois  Evangelistes.  Onques2)  depuis  il  ne  monta  en  chaire;  ains  fut  contraint  de  se  tenir  en  la  maison,  sans  faire  lecon  ne  sermon;  sinon  qu'encore  quelquesfois  il  venoit  au  Temple  le  iour  du  Vendredi  a  la  Congregation,  qu'on  appelle:  et  le  faisoit,  comme  il  est  vray-semblable,  pource  que  la  il  ne  luy  estoit  pas  besoin  de  parler  une  heure  entiere,  comme  en  sermon  ou  lecon.  Seulement  donc,  apres  le  proposant,  il  adioustoit  ce  que  Dieu  luy  avoit  donne  a  dire  sur  le  texte  qui  avoit  este  expose,  et  faisoit  l'exhortation  a  la  priere  pour  la  fin  de  l'acte.  Ce  que  les  auditeurs  voyans,  se  resiouissoyent  de  sa  presence,  plusieurs  estimans  que  c'en  seroit  de  ceste  maladie  comme  de  certaines  autres  precedentes,  dont  on  l'avoit  veu  eschapper  quasi  contre  toute  esperance.  Vray  est  que  non  seulement  les  Ministres,  mais  aussi  autres  ses  familiers  le  prioyent  de  se  deporter  de  se  venir  travailler-  la;  mais  il  s'excusoit,  disant  qu'il  y  prenoit  plaisir,  et  que  le  temps  lui  duroit  trop  se  tenant  tousiours  en  la  maison.  Cependant  son  mal  augmentoit  tousiours,  en  sorte  que  quelquesfois  il  se  trouvoit  tellement  presse,  qu'a  grand'peine  pouvoit-il  porter  le  mouvement  de  deux  ou  trois  pas  :  par  intervalles  neantmoins  il  avoit  quelque  peu  d'allegement.  Tant  y  a  que,  quoy  que  les  medecins  fissent  tout  devoir,  et  lui  de  sa  part  suivist  leur  conseil  a  toute  rigueur,  nonobstant  ses  douleurs  et  tant  de  maladies  impliquees:  c'estoit  toutesfois  en  vain,  comme  tousiours  il  le  disoit,  regardant  vers  le  ciel,  et  disant  souvent  ces  mots:  Seigneur,  iusques  a  quand?  qui  estoit  la  sentence  qu'il  avoit  prinse  [g  7]  de  long  temps  pour  1)  alors  il  se  forcoit  F  2)  Jamais  F.