46:959  959  SERMON  960  bien  que  cela  fust  pour  les  estonner  et  mesmes  pour  leur  faire  tourner  le  dos,  tellement  qu'ils  ne  recognussent  plus  Iesus  Christ  pour  leur  Sauveur.  Car  les  Scribes  et  Docteurs  des  Iuifs  pensoyent  bien  que  le  Redempteur  qui  avoit  este  promis  deust  venir  en  grand  pompe,  et  qu'il  se  deust  assuietir  tout  le  monde,  en  sorte  qu'il  n'y  auroit  que  prosperite,  qu'ils  auroyent  des  biens  a  force  pour  se  souler,  et  amasseroyent  toutes  les  richesses  du  monde.  Voyla  donc  un  scandale  qui  pouvoit  faire  perdre  courage  a  ces  povres  gens,  tellement  que  iamais  ne  fussent  venus  a  nostre  Seigneur  Iesus  Christ,  mais  plustost  s'en  fussent  du  tout  alienez,  quand  il  leur  est  dit  qu'ils  le  trouveront  en  une  estable  et  enveloppe  de  lambeaux.  Voyla  le  signe  qui  leur  est  donne  du  Redempteur,  c'est  qu'il  sera  mis  en  une  creche  comme  s'il  estoit  retranche  du  rang  des  hommes.  Tant  y  a  neantmoins  que  cela  ne  les  detourne  point.  Ils  vienent  donc  le  cognoistre  comme  Seigneur,  confessans  comme  Dieu  a  eu  pitie  d'eux,  et  qu'en  la  fin  il  a  voulu  accomplir  sa  promesse  qu'il  avoit  donnee  de  tout  temps,  et  se  confermant  en  un  tel  spectacle.  Puis  qu'ainsi  est  donc  que  la  foy  de  ces  bergers  a  este  si  grande,  qu'elle  a  combatu  contre  tout  ce  qui  pouvoit  les  destourner  de  venir  a  nostre  Seigneur  Iesus  Christ,  nous  serons  coulpables  au  double,  et  desnuez  de  toute  excuse,  sinon  que  nous  apprenions  en  leur  eschole,  et  que  la  naissance  de  nostre  Seigneur  Iesus  Christ  (combien  qu'il  n'y  apparoisse  aucune  dignite,  ou  pompe,  ou  noblesse    ce  monde)  ne  soit  point  un  scandale  pour  nous  arrester,  ou  pour  nous  faire  divertir  du  bon  chemin,  que  nous  ne  venions  nous  rendre  a  luy  comme  a  nostre  Roy  souverain,  et  a  celuy  auquel  tout  empire  est  donne  et  au  ciel  et  en  la  terre.  Et  de  faict  nous  avons  besoin  d'une  telle  admonition:  car,  comme  fay  desia  touche,  la  doctrine  de  l'Evangile  n'emporte  que  scandale  a  ceux  qui  sont  preoccupez  de  fierte  et  folie  et  qui  se  reputent  sages.  Nous  voyons  aussi  comme  beaucoup  de  phantastiques  reiettent  tout  ce  qui  est  contraire  a  leur  cerveau.  Ii  y  en  a  d'autre  part  beaucoup  de  mocqueurs,  qui  n'ont  iamais  este  touchez  d'aucun  sentiment  de  leurs  pechez:  et  pource  qu'ils  sont  gens  profanes  qui  ne  pensent  iamais  venir  a  conte,  et  ne  scavent  s'il  y  a  une  vie  meilleure  que  celle  qu'ils  voyent  yci  bas,  ils  estiment  que  ce  n'est  que  simplesse  de  suyvre  ainsi  le  Fils  de  Dieu  et  s'accointer  a  luy.  Voyans  donc  cela  tant  plus  devons-nous  estre  munis  de  cest  advertissement,  c'est  ascavoir  que  le  Fils  de  Dieu  ne  perde  rien  de  sa  maieste  et  de  sa  gloire,  et  qu'il  n'est  pas  amoindri  en  ce  qu'il  s'est  humilie  pour  nostre  salut:  mais  plustost  qu'en  cela  nous  devons  estre  ravis,  cognoissans  sa  bonte  inestimable  et  l'amour  qu'il  nous  a  portee.