46:958  dant  que  ce  qu'il  s'est  ainsi  abbaisse,  cela  ne  derogue  point  en  nulle  facon  a  sa  vertu  Divine,  et  n'empesche  point  que  nous  ne  soyons  seurement  sous  sa  conduite.  Or  maintenant  nous  voyons  quelle  est  la  somme  de  ceste  histoire:  c'est  en  premier  lieu  que  nous  cognoissions  que  le  Fils  de  Dieu,  voire  nostre  Mediateur,  s'est  conioint  a  nous  d'un  lien  tel,  qu'il  ne  faut  pas  que  nous  doutions  que  tousiours  nous  ne  soyons  participans  et  de  sa  vie  et  de  toutes  ses  richesses.  Et  cependant  cognoissons  aussi  qu'il  nous  a  apporte  avec  soy  Jout  ce  qui  estoit  requis  a  nostre  salut.  Car  (comme  desia  nous  avons  dit)  il  n'a  pas  tellement  este  aneanti,  que  tousiours  il  n'ait  retenu  sa  maieste  Divine  :  et  combien  que  devant  les  hommes  il  ait  este  tenu  de  nulle  reputation,  si  est-ce  toutesfois  qu'il  est  demeure  tousiours  non  seulement  heritier  de  ce  monde  (entant  qu'il  est  le  chef  de  l'Eglise),  mais  aussi  tousiours  vray  Dieu.  Au  reste,  apprenons  de  ceux  qui  nous  sont  yci  ordonnez  pour  maistres  et  conducteurs,  comme  il  nous  faut  venir  a  nostre  Seigneur  Iesus  Christ.  Vray  est  que  les  sages  de  ce  monde  sont  tellement  enflez  de  fierte  et  de  presomption,  qu'a  grand  peine  daigneront-ils  estre  escholiers  de  gens  idiots  et  de  povres  bergers  des  champs:  mais  c'est  toute  nostre  sagesse  neantmoins  que  nous  apprenions  de  ces  bergers  (desquels  il  est  yci  parle)  de  venir  a  nostre  Seigneur  Iesus  Christ.  Car  que  nous  ayons  toutes  les  sciences  du  monde  fourrees  en  la  teste,  de  quoy  nous  servira-il  quand  la  vie  nous  defaut?  ascavoir  celuy  auquel  les  thresors  de  toute  sagesse  sont  cachez,  comme  S.  Paul  en  parle.  Voyla  donc  par  quel  bout  il  nous  convient  commencer:  c'est  qu'il  ne  nous  face  point  mal  de  suyvre  ceux  qui  nous  ont  monstre  le  chemin  pour  parvenir  a  nostre  Seigneur  Iesus  Christ.  Or  Dieu  n'a  point  fait  cest  honneur  aux  grans  de  ce  monde,  ni  aux  sages,  ni  aux  riches,  ou  aux  nobles:  mais  il  a  choisi  des  bergers.  Puis  qu'ainsi  est  donc  suyvons  cest  ordre-la.  Vray  est  que  les  Sages  sont  venus  d'Orient  pour  rendre  l'hommage  a.  nostre  Seigneur  Iesus  Christ:  mais  il  a  fallu  que  les  bergers  commencassent,  afin  que  toute  presomption  fust  abolie,  et  que  celuy  qui  voudra  estre  repute  Chrestien,  soit  comme  fol  en  ce  monde.  Ainsi  que  nous  n'apportans  point  une  folle  outrecuidance  pour  iuger  a  nostre  fantasie  des  secrets  admirables  de  Dieu,  mais  que  nous  les  adorions  en  toute  simplicite.  Et  au  reste  regardons  la  foy  qui  a  este  en  ces  bergers,  et  alors  nous  ne  ferons  plus  difficulte  de  les  suyvre.  Us  vienent  adorer  le  Redempteur  du  monde:  et  en  quel  estat  le  trouventils?  Le  voyla  couche  en  une  creche  et  envelope  de  quelques  petis  drapeaux,  et  c'est  le  signe  qui  leur  avoit  este  donne  par  l'Ange.  Or  il  sembloit