46:957  957  SERMON  DE  LA  NATIVITE  DE  CHRIST.  958  veront  tant  de  povretez  ea  eux  qu'ils  auront  bien  occasion  d'estre  du  tout  abbatus.  Mais  cognoissonsnous  tels  que  nous  sommes,  afin  de  nous  offrir  a��  nostre  Seigneur  Iesus  Christ  en  vra^e  humilite,  et  qu'il  nous  recognoisse  et  advoue  comme  siens.  Cependant  aussi  nous  avons  a  noter  qu'en  l'histoire  que  recite  yci  S.  Luc,  d'un  coste  nous  apprendrons  comme  le  Fils  de  Dieu  s'est  du  tout  aneanti  pour  nostre  salut,  et  neantmoins  que  d'autre  part  il  n'a  pas  laisse  d'avoir  certain  tesmoignage  et  infalible  qu'il  estoit  le  Redempteur  du  monde  promis  de  tout  temps  :  mesmes  que  ce  qu'il  avoit  prins  de  nostre  condition  n'estoit  pas  qu'il  ne  peust  maintenir  sa  maieste  celeste.  Tous  les  deux  donc  nous  sont  yci  monstrez  :  car  nostre  Seigneur  Iesus  Christ  est  la  en  une  creche  et  il  est  comme  reiette  du  monde,  il  est  en  povrete  extreme  sans  aucun  honneur,  sans  aucune  reputation,  comme  suiet  a  servitude  :  toutesfois  il  est  magnifie  des  Anges  de  Paradis,  lesquels  luy  font  hommage.  Et  en  premier  lieu  un  Ange  porte  le  message  de  sa  naissance:  mais  puis  apres  cestuy  la.  est  accompagne  d'une  grande  multitude,  voire  d'une  armee,  leiquels  assistent  tous  et  comparoissent  comme  tesmoins  envoyez  de  Dieu,  pour  monstrer  que  nostre  Seigneur  Iesus  Christ,  estant  ainsi  abbaisse  pour  le  salut  des  hommes,  ne  laisse  pas  tousiours  d'estre  Ie  Roy  de  tout  le  monde,  et  d'avoir  tout  sous  son  empire.  Et  puis  le  lieu  de  Beth-lehem  donne  approbation  qu'il  est  celuy  qui  avoit  este  promis  de  tout  temps.  Car  le  prophete  Michee  en  avoit  ainsi  parle:  Et  toy  Beth-lehem,  combien  que  tu  sois  en  grand  mespris,  comme  une  bourgade  qui  n'est  pas  de  grand'  monstre,  et  qui  n'est  pas  fort  peuplee,  si  est-ce  que  de  toy  me  sortira  celuy  qui  doit  gouverner  mon  peuple,  et  ses  issues  seront  de  toute  eternite.  Nous  voyons  donc  yci  d'un  coste  comment  nostre  Seigneur  Iesus  Christ  ne  s'y  est  point  espargne,  afin  .  que  nous  ayons  acces  facile  a  luy,  et  que  nous  ne  doutions  pas  d'estre  receus  comme  son  corps  mesmes,  puis  que  non  seulement  il  a  voulu  estre  homme  mortel,  vestu  de  nostre  nature,  mais  comme  un  povre  ver  de  terre  desnue  de  tout  bien.  Ne  doutons  point  donc  que  tousiours,  quelques  miserables  que  nous  soyons,  il  nous  tiendra  pour  ses  membres.  Mais  d'autre  coste  nous  le  voyons  yci  marque  comme  de  la  main  de  Dieu,  afin  qu'il  soit  receu  sans  aucune  difficulte,  comme  celuy  duquel  ii  nous  faloit  attendre  salut,  et  par  lequel  nous  sommes  receus  au  Royaume  de  Dieu,  dont  nous  estions  auparavant  bannis.  Car  nous  voyons  qu'il  ha  en  soy  une  maieste  Divine,  puis  que  les  Anges  le  recognoissent  comme  leur  superieur  et  leur  Roy  souverain:  et  ne  devons  point  douter,  quand  nous  serons  sous  sa  garde,  qu'il  n'ait  de  quoy  pour  nous  maintenir.  Et  cognoissons  cepen-