46:953  953  DE  LA  PASSION.  954  amenez  selon  nostre  petitesse.  Et  de  faict,  quelques  foibles  et  tardifs  que  nous  soyons,  tant  y  a  neantmoins  que  nous  ne  "pouvons  pas  excuser  nostre  laschete,  quand  nous  ne  viendrons  point  a  Nostre  Seigneur  Iesus  Christ.  Voyci  la  table  qu'il  nous  a  apprestee.  Et  a  quelle  fin?  Ce  n'est  pas  pour  rassasier  nos  corps  et  nos  ventres:  combien  qu'en  cela  desia  Dieu  se  declare  avoir  un  soin  paternel  de  nous;  et  nostre  Seigneur  Iesus  Christ  monstre  que  vrayement  il  est  la  vie  du  monde.  Quand  donc  nous  prendrons  iournellement  nostre  repos  et  refection,  c'est  autant  comme  si  nostre  Seigneur  Iesus  nous  declaroit  sa  bonte.  Mais  il  y  a  ijne  consideration  speciale  en  ceste  table  qui  est  yci  mise:  car  c'est  pour  nous  monstrer  que  nous  somfnes  freres  de  nostre  Seigneur  Iesus  Christ,  c'est  a  dire  que  d'autant  qu'il  nous  a  unis  a  soy  (comme  il  dit  au  17.  chapitre  de  S.  Iehan)  il  nous  a  aussi  unis  a,  Dieu  son  Pere,  et  nous  declare  quant  et  quant  qu'il  est  nostre  viande  et  nostre  bruvage:  que  nous  sommes  repens  de  sa  propre  substance,  pour  avoir  toute  nostre  vie  spirituelle  en  luy.  Et  cela  est  plus  que  s'il  nous  appeloit  cent  fois  ses  freres.  Ainsi  donc  cognoissons  l'unite  que  nous  avons  avec  nostre  Seigneur  Iesus  Christ:  c'est  ascavoir  qu'il  veut  avoir  une  vie  commune  avec  nons,  et  que  ce  qu'il  ha  soit  nostre:  voire  et  qu'il  veut  habiter  en  nous,  non  point  par  imagination,  mais  par  effect:  non  point  par  une  facon  terrestre,  mais  spirituelle:  et  quoy  qu'il  en  soit,  qu'il  besongne  tellement  par  la  vertu  de  son  sainct  Esprit  que  nous  sommes  unis  a��  luy  plus  que  ne  sont  les  membres  d'un  corps.  Et  tout  ainsi  que  la  racine  d'un  arbre  iette  sa  substance  et  sa  vertu  par  toutes  les  branches,  ainsi  nous  tirons  substance  et  vie  de  nostre  Seigneur  Iesus  Christ.  Et  voyla  aussi  pourquoy  S.  Paul  dit  que  nostre  Agneau  paschal  a  este  crucifie  et  immole,  et  qu'il  ne  reste  maintenant  sinon  que  nous  en  facions  la  feste  et  que  nous  communiquions  au  sacrifice.  Et  que,  comme  anciennement  en  la  Loy,  quand  le  sacrifice  estoit  offert,  on  mangeoit,  maintenant  aussi  il  nous  faut  venir  prendre  nostre  viande  et  refection  spirituelle