46:952  comme  il  est  mieux  declare  par  S.  Iehan.  Et  de  fait  il  nous  faut  venir  a  ce  qui  est  dit  au  Pseaume  22,  dont  ce  passage  est  prins,  I'annonceray  ton  Nom  a  mes  freres:  lequel  passage  l'Apostre  exposant  de  la  personne  de  nostre  Seigneur  Iesus  Christ,  n'a  point  comprins  seulement  les  douze  Apostres,  pour  les  appeler  freres  de  Iesus  Christ,  mais  nous  intitule  tous  en  general  qui  suyvons  le  Fils  de  Dieu:  et  veut  que  nous  iouissions  d'un  tel  honneur.  Et  voyla  pourquoy  aussi,  quand  nostre  Seigneur  Iesus  dit,  Ie  m'envoy  a  mon  Dieu  et  a  vostre  Dieu,  a  mon  Pere  et  a  vostre  Pere,  cela  n'est  point  dit  pour  un  petit  nombre  de  gens:  mais  ii  s'addresse  a  toute  la  multitude  des  fideles.  Or  nostre  Seigneur  Iesus,  combien  qu'il  soit  nostre  Dieu  eternel,  ne  laisse  pas  toutesfois  en  la  personne  de  Mediateur  de  s'abbaisser  pour  nous  estre  prochain,  et  d'avoir  tout  commun  avec  nous,  voire  au  regard  de  sa  nature  humaine.  Car  combien  qu'il  soit  Fils  naturel  de  Dieu,  et  que  nous  ne  soyons  qu'adoptifs,  et  par  grace,  toutesfois  ceste  communaute-  la  demeure,  que  celuy  qui  est  Pere  de  nostre  Seigneur  Iesus  Christ,  par  son  moyen  est  quant  et  quant  le  nostre,  voire  en  divers  regars.  Car  il  ne  faut  pas  que  nous  soyons  eslevez  si  haut  que  nostre  Chef:  il  ne  faut  point  qu'il  y  ait  yci  confusion.  Si  en  un  corps  humain  la  teste  n'alloit  par  dessus  tous  les  membres,  ce  seroit  comme  un  monstre,  ce  seroit  comme  une  marsse  confuse  :Vest  bien  raison  aussi  que  nostre  Seigneur  Iesus  retiene  son  degre  souverain,  d'autant  qu'il  est  Fils  unique  de  Dieu,  voire.selon  nature:  mais  cependant  cela  n'empesche  pas  que  nous  ne  luy  soyons  conioints  en  fraternite,  k  ce  que  nous  puissions  invoquer  Dieu  franchement  et  en  plene  fiance  pour  estre  exaucez  de  luy,  d'autant  que  nous  y  avons  acces  prive  et  familier.  Nous  voyons  donc  qu'emporte  ce  mot,  quand  nostre  Seigneur  Iesus  a  nomme  ses  disciples  freres,  ascavoir  que  c'a  este  afin  que  nous  ayons  auiourd'huy  ce  privilege  commun  avec  eux,  voire  par  le  moyen  de  la  foy.  Et  cela  ne  derogue  pas  a  la  vertu  et  maieste  du  Fils  de  Dieu,  quand  il  se  conioint  ainsi  avec  des  creatures  si  miserables  comme  nous  sommes,  et  qu'il  veut  estre  comme  de  nostre  rang.  Car  tant  plus  devons-nous  estre  ravis,  voyans  une  telle  bonte  dont  il  use,  voyans  qu'en  ressuscitant  il  nous  a  acquis  la  gloire  celeste,  pour  laquelle  nous  acquerir  aussi  il  s'estoit  abbaisse  voire  aneanti  du  tout.  Or  puis  qu'ainsi  est  que  nostre  Seigneur  Iesus  daigne  bien  nous  avouer  pour  ses  freres  afin  que  nous  ayons  acces  a  Dieu,  cherchons-le  et  venons  a  luy  d'un  franc  courage,  estans  si  humainement  conviez.  Voire  condisere  mesmes  que  non  seulement  il  use  de  parolle  pour  nous  attirer,  mais  il  adiouste  aussi  le  Sacrement  visible,  afin  que  nous  soyons