46:951  951  SERMONS  952  docteur  et  sur  lequel  nous  sommes  appuyez:  scachans  qu'il  ha  toute  maistrise  par  dessus  nous  et  qu'il  merite  toute  authorite  souveraine.  Nous  voyons  cela  en  ces  femmes.  Il  est  vray  que  Dieu  ne  besongne  pas  en  tous  d'une  facon  egale.  Quelques  uns  du  premier  coup  seront  tellement  attirez  qu'on  appercevera  que  Dieu  a  desploye  une  vertu  extraordinaire  en  eux:  mais  souvent  nous  serons  enseignez  en  telle  sorte  qu'on  verra  a  l'oeil  nostre  rudesse  et  debilite,  afin  que  par  cela  nous  soyons  tant  mieux  advertis  de  glorifier  Dieu,  et  de  cognoistre  que  c'est  de  luy  que  nous  tenons  tout.  Or  venons  maintenant  a  ce  mot  que  nous  avons  recite,  Allee,  dites  a  mes  freres  qu'ils  se  trouvent  en  Galilee.  Nous  voyons  que  le  Fils  de  Dieu  n'est  pas  yci  apparu  a  Marie  et  a  ses  compagnes  seulement  afin  de  se  reveler  a  sept  ou  a  huit,  mais  qu'il  a  voulu  que  ce  message  fust  publie  aux  Apostres,  et  que  maintenant  il  nous  soit  communique  et  que  nous  en  soyons  faits  participans.  Et  do  faict,  sans  cela  de  quoy  nous  profiteroit  ceste  histoire  de  la  Resurrection?  Mais  quand  il  est  dit  que  le  Fils  de  Dieu  s'est  ainsi  manifeste,  et  qu'il  a  voulu  que  le  fruit  en  fust  communique  a  tout  le  monde,  voyla  comme  nous  prenons  tant  meilleur  goust.  Ainsi  donc  scachons  que  nostre  Seigneur  Iesus  a  voulu  que  nous  fussions  certifiez  de  sa  resurrection  pource  qu'en  cela  aussi  gist  toute  l'esperance  de  nostre  salut  et  toute  nostre  iustice,  quand  vrayement  nous  scavons  que  nostre  Seigneur  Iesus  est  ressuscite.  Non  pas  qu'il  .ne  nous  ait  purgez  de  toutes  nos  ordures  par  sa  mort  et  passion,  mais  si  ne  faloit-il  point  qu'il  demeurast  en  ceste  infirmite-  la.  Il  faloit  qu'il  desployast  la  vertu  de  son  sainct  Esprit  et  qu'il  fust  declare  Fils  de  Dieu  en  ressuscitant,  comme  S.  Paul  en  parle,  tant  au  premier  chapitre  des  Romains  qu'en  d'autres  passages.  Voyla  donc  comme  maintenant  il  nous  faut  estre  asseurez  que  nostre  Seigneur  Iesus,.  estant  ressuscite,  veut  que  nous  venions  a  luy  et  que  le  chemin  nous  soit  ouvert:  et  n'attend  pas  que  nous  le  cherchions,  mais  il  a  prouveu  a  ce  que  nous  fussions  appelez  par  la  predication  de  l'Evangile,  et  que  ce  message  retentist  en  la  bouche  de  ses  heraux  qu'il  avoit  choisis  et  eleus.  Puis  qu'ainsi  est  donc,  cognoissons  qu'auiourd'huy  nous  iouissons  de  la  iustice  que  nous  avons  en  nostre  Seigneur  Iesus  Christ,  pour  parvenir  a  la  gloire  celeste,  d'autant  qu'il  ne  veut  point  estre  separe  d'avec  nous.  Et  voyla  pourquoy  il  appelle  les  disciples  ses  freres.  Vray  est  que  ce  titre  est  honorable:  et  aussi  il  estoit  reserve  a  ceux  que  nostre  Seigneur  Iesus  avoit  retenus  pour  ses  domestiques.  Et  n'y  a  nulle  doute  qu'il  n'ait  use  de  ce  mot  pour  monstrer  la  fraternite  qu'il  vouloit  avoir  envers  eux.  Mais  tant  y  a  qu'il  nous  est  aussi  bien  commun,