46:950  y  a  tant  d'ignorance  en  nous  que  c'est  comme  des  nuees  qui  nous  empeschent  de  venir  a  la  droite  clarte,  et  nous  sommes  entortillez  en  beaucoup  de  fantasies.  Brief,  il  semble  que  toute  la  doctrin  j  de  Dieu  soit  quasi  inutile:  mais  cependant  nous  trouvons  quelque  goust  mesle  parmi,  qui  nous  fait  sentir  que  Dieu  a  besongne  en  nos  coeurs.  Combien  donc  que  nous  n'ayons  qu'une  petite  estincelle  de  grace,  ne  perdons  point  courage:  mais  prions  Dieu  qu'il  adiouste  a,  ce  petit  qu'il  a  commence,  et  qu'il  nous  face  croistre  et  conferme,  iusques  a  ce  que  nous  soyons  amenez  a  la  perfection,  de  laquelle  nous  sommes  etfcores  bien  loin.  Combien  donc  que  ceci  soit  condamne  pour-  vice,  que  les  femmes  ayent  este  ainsi  occupees  de  crainte  avec  ioye,  si  est-ce  que  nous  voyons  comme  Dieu  les  a  tousiours  gouvernees  par  son  sainct  Esprit,  et  que  ce  message  qui  leur  a  este  apporte  par  l'Ange  n'a  este  du  tout  inutile.  Or  maintenant  nous  avons  a  passer  outre:  c'est  que  nostre  Seigneur  Iesus  leur  apparoist  au  chemin,  et  leur  dit,  Ne  craignez  point,  mais  allezY  dites  a  mes  freres  que  tous  s'assemblent  en  Galilee  et  la  Us  me  verront.  Nous  voyons  encores  mieux  en  ce  passage  comme  le  Fils  de  Dieu  nous  attire  par  degrez  a  soy,  iusques  a  ce  que  nous  soyons  plenement  confermez,  comme  il  nous  est  besoin.  C'estoit  bien  assez  que  les  femmes  eussent  ouy  le  message  par  la  bouche  de  l'Ange,  car  il  avoit  des  marques  qu'il  estoit  envoye  de  Dieu:  son  regard  estoit  comme  esclair.  Il  est  vray-que  la  blancheur  d'une  robbe  et  chose  semblable  n'estoit  par  pour  exprimer  au  vif  la  maieste  de  Dieu:  mais  cependant  les  femmes  avoyent  un  tesmoignage  tout  asseure  que  ce  n'estoit  pas  un  homme  mortel  qui  parloit,  mais  un  Ange  celeste.  Il  faloit  bien  donc  que  ce  tesmoignage  leur  fust  suffisant:  mais  tant  y  a  que  la  certitude  a  este  beaucoup  plus  grande  quand  elles  ont  veu  nostre  Seigneur  Iesus,  lequel  auparavant  elles  avoyent  cognu  estre  le  Fils  de  Dieu,  et  sa  verite  immuable.  Il  y  a  donc  yci  pour  bien  ratifier  plus  a  plein  ce  qu'elles  avoyent  ouy  auparavant  de  la  bouche  de  l'Ange.  Et  voyla  aussi  comme  nous  croissons  en  foy  :  car  du  commencement  nous  ne  scavons  quelle  vertu  ni  efficace  il  y  a  en  la  parolle  de  Dieu:  mais  si  on  nous  enseigne,  et  bien,  nous  comprenons  quelque  chose,  et  encores  ce  n'est  rien  quasi:  mais  petit  a  petit  nous  touche  par  son  S.  Esprit,  et  en  la  fin  il  nous  monstre  que  c'est  luy  qui  parle.  Et  alors  nous  sommes  resolus,  tellement  que  non  seulement  nous  avons  quelque  cognoissance,  mais  nous  sommes  persuadez  en  telle  sorte  que,  quand  le  diable  machinera  tout  ce  qui  luy  est  possible,  si  est-ce  qu'il  ne  pourra  point  esbranler  nostre  foy,  d'autant  que  nous  aurons  ce  principe  que  c'est  le  Fils  de  Dieu  qui  est  nostre  60*