9:95  95  SECUNDA  DEFENSIO  96  ab  inferis  excitari,  si  in  prima  coena  uno  in  loco  mortale,  visibile,  et  loco  circumscriptum  stabat  Christi  corpus:  manu  autem  eius  invisibile,  gloriosum,  et  immensum  porrigebatur?  An  non  diserte  semper  fideles  in  coelum  iussi  ascendere,  ut  carne  et  sanguine  Christi  pascerentur?  Haec  certe  fidei  nostrae  sinceritas  nullis  integumentis  indiget.  Nec  vero  noster  interim  desinit  [pag.  114]  esse  Christus,  licet  ad  manum  non  sistatur,  non  minus  quam  vera  carnis  communicatio  sub  pane  nobis  offertur,  ut  animas  nostras  sua  substantia  vivificet,  quamvis  panis  substantialiter  non  sit  corpus.  Iam  Westphalus,  ac  si  his  partibus  probe  defunctus  foret,  ad  subeundam  aliam  molestiam  descendere  se  dicit,  nempe  ut  crimina  depellat,  in  quibus  caninam  eloquentiam,  si  ei  creditur,  exerceo.  Ego  vero  etsi  eloquentiae  laudem  non  appeto,  non  tamen  mediocri  dicendi  gratia  sic  destituor,  ut  latrando  facundus  esse  cogar.  Debuit  Westphalus  vel  suum  scribendi  genus  mutare,  vel  retinere  quod  meretur  elogium.  Nam  et  ex  marcidis  flosculis,  quibus  orationem  suam  aspergit,  quam  ieiunus  sit  facundiae  captator  palam  est  :  et  eius  intemperies  cyclopicum1)  nescio  quid  magis  quam  humanum  ubique  sonat.  Unum  quidem  non  infitior,  mihi  ad  sacrilegos  *)  insectandos  non  minus  esse  animi,  quam  fidis  canibus  est  ad  profligandos  fures.  Primo  loco  crimen  de  turbata  pace  amoliri  nititur,  quia  primus  non  fuerit  contentionis  autor.  Quasi  vero  dixerim  nunc  primum  coepisse  oriri  turbas.  Quin  potius  diserte  conquestus  sum,  quum  singulari  Dei  beneficio  ad  tempus  sedatae  essent,  nunc  [pag.  115]  rursus  ab  istis  male  feriatis  hominibus  accendi,  nec  tamen  simpliciter  obieci  Westphalo  crimen  excitati  motus,  ne  in  me  retorqueat,  ut  facit,  multos  ex  nostra  doctrina  tumultuandi  occasionem  cepisse.  Fateor  certe,  imo  coram  angelis  gloriari  licet,  simul  ac  ille  crassus  error  de  Christi  impanatione  discuti  coepit,  Satanam  expergefactum  omnia  miscuisse,  ne  veritas  elucesceret:  ac  hodie  testantur  plurima  sanctorum  hominum  martyria,  quo  vesaniae  et  furoris  incredulos  omnes  impellat  haec  eadem  doctrina.  Quum  vero  oleum  addant  camino  Westphalus  et  similes,  postquam  papistarum  rabiem  in  nos  armarunt,  turbarum  culpam  nobis  imputare  perquam  iniquum  est.  Si  prima  certaminum  origo  quaeritur,  Lutherus  transsubstantiationem  oppugnans,  classicum,  ut  ita  loquar,  cecinit:  quod  tamen  adeo  non  reprehendo,  ut  inter  multas  eius  virtutes  summa  laude  dignas,  haec  animi  magnitudo  non  postremum  locum  merito  obtineat,  quod  nullos  motus  exhorruit,  quin  illud  praeposterum  1)  quelque  geant  barbare.  2)  Add.  et  contempteurs  de  Dieu.