8:95  95  CONGREGATION  96  le  propos  de  sa  volonte,  qu'il  avoit  delibere  en  soymesme.  (Ibid.  v.  9.)  Il  nous  faut  bien  poiser  ces  mots  icy.  Car  quand  sainct  Paul  parle  du  propos  de  Dieu,  il  l'oppose  a  ce  qui  pourroit  estre  en  l'homme,  pour  dire  qu'il  y  ait  este  induit.  Quand  il  est  question  de  ce  mot  de  PROPOS,  qu'est-ce  sinon  ce  conseil  que  Dieu  a  eu?  Comme  quand  il  dit,  que  Dieu  nous  a  eleus  d'une  vocation  saincte,  (a  Tite)  voire  non  point  selon  nos  oeuvres,  mais  selon  son  propos  [page  5]  et  selon  sa  grace,  c'est  a  dire,  selon  son  propos  gratuit.  Nous  voyons  la  une  comparaison  que  fait  sainct  Paul  de  deux  choses  opposites:  c'est  assavoir,  des  oeuvres  des  hommes,  et  de  l'autre  coste  il  met  le  propos  de  Dieu.  Et  ainsi,  quand  nous  oyons  ce  mot  de  la  bouche  de  sainct  Paul,  comprenons  un  conseil  que  Dieu  a  eu  quand  il  nous  a  choisis  a  soy,  sans  neantmoins  avoir  regard  a  ce  qui  est  en  nous,  pour  dire  qu'il  ait  este  attire  de  la,  ou  esmeu  a  nous  bien  faire.  Vray  est,  que  Dieu  nous  regarde  bien  en  nous  elisant,  mais  qu'est-ce  qu'il  y  trouvera?  Rien  que  toute  misere  et  povrete,  et  de  la  il  est  esmu  a  compassion.  Or  cependant  il  trouve  ceste  misere  la  en  tous  hommes  en  general:  mais  il  fait  misericorde  a  qui  bon  luy  semble.  Et  pour  quoy?  La  raison  ne  nous  est  point  cognue.  Maintenant  qu'il  nous  suffise  de  ce  que  nous  pouvons  concevoir:  c'est  a  dire,  de  ce  que  sainct  Paul  nous  dit  et  declare,  que  Dieu  nous  a  eleus,  selon  le  propos  qu'il  avoit  delibere  en  soy-mesme:  que  par  cela  il  veut  mettre  bas  toutes  les  replicques  [page  6]  qu'on  pourroit  amener  pour  dire:  Et  Dieu  seroit  iniuste  par  telle  occasion.  Il  faut  doncques  que  tout  cela  soit  exclus.  Quand  il  dit  que  Dieu  a  delibere  en  soy-mesme  ce  propos,  c'est  a  dire,  qu'il  n'est  point  sorty  hors  de  soy,  qu'il  n'a  point  iette  les  yeux  ca  ne  la,  pour  dire:  Ie  seray  esmeu  a  ce  faire.  Or  davantage,  il  dit  qu'il  nous  a  eleus  en  Iesus  Christ,  signifiant  que  nous  sommes  indignes  en  nous-mesmes:  comme  aussi  la  verite  est  telle  et  ceux  qui  ne  le  confessent,  sont  bien  abusez  d'outrecuidance,  quand  ils  estiment  avoir  quelque  chose  en  eux,  pour  quoy  Dieu  les  a  appelez  a  soy.  Et  voila  pourquoy  il  a  adiouste,  qu'il  nous  a  adoptez  en  son  Fils  bien-aime.  Or,  ce  n'est  point  sans  cause  qu'il  attribue  a  nostre  Seigneur  Iesus,  qu'il  est  le  Fils  bien-aime.  En  nous-mesmes  nous  sommes  hays  et  dignes  que  Dieu  nous  ait  en  abomination;  mais  il  nous  regarde  en  son  Fils,  et  lors  il  nous  aime.  Au  reste,  afin  qu'on  sache  que  la  foy  est  en  degre  inferieur,  et  qu'elle  depend  de  l'election  de  Dieu,  sainct  [page  7]  Paul  notamment  adiouste,  que  c'est  afin  que  nous  fussions  saincts  et  sans  macule.  (Ephes.  1,  4.)  Or,  il  nous  faut  souvenir  de  ce  que  dit  sainct  Pierre,  au  15.  des  Actes  (v.  9),  que