7:95  95  BRIEVE  INSTRUCTION  96  s'ilz  ont  quelque  tesmoignage  de  la  parolle  de  Dieu.  Ilz  font  bien  un  grand  bouclier  de  ces  parolles  de  nostre  Seigneur  Iesus,  ou  il  defend  de  iurer  du  tout  (Matth.  5,  34).  Oar  de  la  ilz  concluent,  que  n'a  tord,  n'a  droit,  il  n'est  licite  [page  94]  de  iurer.  Pour  response,  ie  leur  demande  premierement,  s'ilz  pensent  que  Iesus  Christ  ait  voulu  adiouster  a  la  loy  de  Dieu  son  Pere,  ou  s'il  Ta  voulu  simplement  interpreter?  Ilz  disent,  quant  a  cela,  qu'il  a  enseigne  la  perfection  4e  la  Loy.  Mais  ie  insiste  plus  outre,  et  demande  si  ceste  perfection  n'avoit  iamais  este  congneue  au  paravant?  Car  s'ilz  respondent  que  non:  ie  dy  que  c'est  un  mensonge  evident.  Moyse,  apres  avoir  publie  la  Loy,  protesta  au  peuple,  qu'il  luy  avoit  monstre  la  voye  de  vie,  et  la  voye  de  mort  (Deut.  30,  19).  Item,  reduisant  le  tout  en  un  brief  sommaire,  il  dit  que  sa  doctrine  tend  a  ceste  fin,  que  l'homme  ayme  Dieu  de  tout  son  cueur,  de  tout  son  entendement,  de  toute  son  ame  et  sa  force  (Deut.  G,  5).  Item,  en  un  autre  passage:  Et  maintenant  Israel,  qu'est-ce  que  Dieu  requiert  de  toy,  sinon  que  tu  adheres  a  luy  de  tout  ton  cueur  (Deut.  10,  12)?  etc.  Ces  sentences  prouvent  bien  suffisamment,  que  la  doctrine  de  la  Loy  contient  une  reigle  de  bien  vivre,  pour  mener  l'homme  a  une  perfection  entiere.  C'est  donc  chose  certaine  que  Dieu  a  declaire  en  la  Loy  sa  bonne  volonte  :  qu'il  a,  dy-ie,  une  foys  pour  toutes,  prononce  du  bien  et  du  mal,  de  co  qui  luy  est  aggreable  ou  desplaisant.  Pourtant  nostre  Seigneur  Iesus  traictant  de  la  vie  parfaite,  [page  95]  a  tousiours  la  renvoye  ceux  qu'il  enseignoit  (Matth.  19,  17  et  ailleurs).  Et  sainct  Paul  au  douziesme  des  Romains  (v.  1  9)  nous  ramene  a  ce  mesme  but,  pour  bien  comprendre  quel  est  nostre  devoir.  Pourtant  de  dire  que  Moyse  n'eust  enseigne  le  peuple  d'Israel  d'honorer  et  servir  Dieu  qu'a  demy:  c'est  un  blaspheme  forge  premierement  des  Papistes,  et  maintenant  renouvelle  de  ces  povres  phantastiques,  qui  prennent  pour  revelations  du  ciel  toutes  les  fables  qu'ilz  ont  ouy  conter  a  leurs  grans  meres.  Si  on  replique  a  cela,  que  toutesfoys  Iesus  Christ  est  nomme  la  perfection  de  la  Loy;  et  qu'il  est  dict,  que  nous  ne  sommes  plus  gouvernes  par  doctrine  puerile,  comme  le  peuple  ancien  (Hebr.  5,  13  s.):  ie  respons  que  ce  mot  de  perfection  ne  se  rapporte  pas  a  la  doctrine:  mais  a  la  grace  du  sainct  Esprit,  par  laquelle  ce  qui  est  contenu  en  la  Loy,  est  escrit  et  imprime  en  nostre  cueur,  afin  que  nostre  Seigneur  parle,  non  seulement  a  noz  aureilles,  mais  aussi  a  nostre  volunte:  et  que  nonseulement  nous  oyons  ce  qu'il  nous  commande,  mais  que  nous  le  faisions.  Il  y  a  aussi  une  seconde  raison:  c'est  que  nostre  Seigneur  Iesus  a  luy  seul  accomply  toute  iustice  en  sa  personne,  et  a  este  entier  observateur  de  la  Loy,  afin  que  ceste