58:95  95  SIXIEME  SERMON  96  ce  qui  nous  devoit  estre  en  main:  que  nous  apprenions  de  dire,  Seigneur  puisque  nous  avons  ta  promesse,  nous  ne  serons  point  frustrez  en  nous  y  attendant.  Quand  Dieu  promet  a.  Isaac  d'estre  avec  lui,  et  qu'il  aiouste  le  reste,  c'est  aussi  pour  nous  monstrer,  que  le  principal  de  tous  les  biens  que  nous  pouvons  souhaiter,  c'est  que  Dieu  ait  le  soin  de  nous,  et  qu'il  pense  de  nos  necessitez,  et  que  nous  le  trouvions  prochain  en  l'invoquant  :  car  si  nous  ne  l'avons  propice,  encore  qu'il  nous  eslargisse  en  toute  plenitude  et  abondance  ce  que  nous  demandons,  ce  ne  seroit  rien:  mais  il  faut  commencer  par  ce  bout:  c'est  assavoir,  que  nous  soions  bien  persuadez,  que  Dieu  nous  aime,  et  qu'il  nous  est  favorable.  Quand  nous  aurons  gaigne  cela,  de  nous  resoudre,  que  Dieu  nous  fera  tousiours  merci,  qu'il  sera  prest  a  nous  secourir  au  besoin,  que  iamais  il  ne  nous  delaissera,  nous  attendrons  facilement  le  reste:  mais  si  nous  ne  cognoissons  qu'il  est  avec  nous,  c'est  a  dire,  qu'il  nous  veut  faire  sentir  sa  presence,  et  en  la  sentant,  qu'il  nous  retirera  des  dangers  ou  nous  sommes,  en  nous  en  retirant,  qu'il  nous  relevera  quand  nous  serons  tombez,  qu'il  nous  guidera  la  ou  il  n'y  a  nul  sentier,  quil  nous  donnera  issue  la  ou  il  n'y  a  que  confusion.  Si  (di-ie)  nous  n'avons  cela,  il  n'y  aura  nul  vray  fondement:  mais  si  nous  l'avons  obtenu,  il  nous  faut  la  dessus  esperer  le  reste.  Car  si  Dieu  nous  aime,  il  est  certain  que  il  a  dequoy  pour  nous  secourir  en  tout  et  par  tout:  il  le  fera  donc.  Et  c'est  pourquoy  Moise  commence  par  ce  bout,  Ie  seray  avec  toy:  Et  puis  il  lui  dit,  Qu'il  multipliera  sa  semence,  qu'il  la  benira,  et  que  sa  semence  sera  comme  les  estoilles  du  ciel.  Il  est  vray  que  les  biens  que  Dieu  nous  eslargira,  ne  nous  viendront  pas  tousiours  a  souhait,  comme  nous  avons  declare:  car  nous  en  serons  destituez  souventesfois,  afin  que  nous  soions  tant  plus  aiguisez  de  le  prier:  et  aussi  il  nous  veut  examiner,  et  nous  monstrer  que  nous  n'avons  pas  telle  fiance  en  lui  comme  nous  devrions:  et  nostre  ingratitude  nous  prive  souvent  de  ce  que  Dieu  estoit  prest  de  nous  donner:  car  nous  ne  sommes  point  tousiours  capables  de  recevoir  ce  qu'il  nous  presente.  Il  a  la  main  ouverte,  mais  nous  avons  la  bouche  close:  c'est  a  dire,  nous  sommes  enserrez  en  incredulite  et  en  defiance.  Et  voila  pourquoy  aussi  souvent  il  faut  que  nous  endurions:  mais  tant  y  a  que  si  nous  avons  ce  point  resolu,  qu'il  est  avec  nous,  et  que  nous  sommes  benits  de  lui,  en  ce  qu'il  cognoist  nous  estre  expedient,  rien  ne  nous  defaudra.  Touchant  ceste  promesse,  Que  toutes  nations  de  la  terre  seront  benites  en  la  semence  d'Isaac:  elle  lui  a  este  specialle,  comme  a  Abraham:  et  cela  regarde  a  nostre  Seigneur  Iesus  Christ,  comme  il  a  este