50:95  95  EPIST.  PAULI  AD  CORINTHIOS  II  96  ante  coepisset,  ita  et  consummaret  erga  vos  hanc  quoque  gratiam.  7.  Verum  quemadmodum  ubique  abundatis  fide,  et  sermone,  et  scientia,  et  omni  diligentia,  et  ea,  quae  ex  vobis  erga  nos  est,  caritate:  facite  ut  in  hac  quoque  beneficentia  abundetis.  Quoniam,  si  qua  offensio  mansisset  in  Corinthiis  ex  superioris  epistolae  severitate  contracta,  impedimento  esse  poterat  quominus  valeret  apud  eos  ipsius  Pauli  autoritas:  hactenus  reconciliandis  sibi  eorum  animis  incubuit.  Nunc  purgata  omni  offensione,  et  recuperata  ministerii  sui  gratia,  commendat  illis  fratres  Ierosolymitanos,  ut  illorum  egestati  subveniant.  Hoc  non  magno  profectu  tentasset  ab  initio  epistolae:  ergo  prudenter  distulit  quousque  eorum  animos  praeparasset.  Nihil  itaque  hoc  et  proximo  capite  agit  aliud  quam  quod  hortatur  Corinthios  ut  strenui  sint  ac  diligentes  in  colligendis  eleemosynis,  quae  Ierosolymam  deferantur  ad  sublevandam  fratrum  inopiam.  Premebat  enim  eos  magna  fames,  ut  vitam  tolerare  vix  possent,  nisi  adiuti  ab  aliis  ecclesiis.  Hanc  rem  commendaverant  Paulo  apostoli:  et  sibi  curae  fore  promiserat.  Et  iam  curaverat  ex  parte,  sicuti  vidimus  priore  epistola:  nunc  tamen  rursum  urget.  1.  Certiores  vos  facio.  Laudat  Macedones,  sed  in  hunc  finem  ut  eorum  exemplo  Corinthios  exstimulet:  tametsi  id  non  exprimit.  Neque  enim  commendatione  opus  habebant  illi,  sed  his  opus  erat  aliquo  stimulo.  Et  quo  magis  incitet  Corinthios  ad  aemulationem,  hoc  gratiae  Dei  deputat,  quod  tam  prompti  fuerint  Macedones  ad  opitulandum  fratribus.  Tametsi  enim  virtutem  esse  laude  dignam  fatentur  omnes,  egenis  succurrere:  non  tamen  in  lucro  ducunt,  neque  habent  pro  Dei  gratia:  quin  potius  iudicant,  tantundem  ex  suo  detrahi  ac  perire.  Paulus  autem  testatur  hoc  gratiae  Dei  acceptum  ferri  debere,  quum  fratribus  subvenimus:  et  id  non  vulgaris  boni  loco  expetendum.  Caeterum  duplicem  gratiam  commemorat,  quae  fuerit  collata  Macedonibus.  Prior  est,  quod  afflictiones  pertulerint  placide  et  hilaribus  animis:  altera  est,  quod  ex  sua  tenuitate  non  secus  atque  ex  abundantia  aliquid  sumpserint  fratribus  erogandum.  Horum  utrumque  opus  esse  Domini,  iure  affirmat  Paulus.  Deficiunt  enim  statim  quicunque  non  sustinentur  a  spiritu  Dei,  qui  autor  est  omnis  consolationis:  et  diffidentia  radicitus  in  nobis  haeret,  quae  nos  arcet  ab  omnibus  caritatis  officiis,  donec  eiusdem  spiritus  gratia  corrigatur.  2.  In  multa  probatione.  Hoc  est,  quum  rebus  adversis  examinarentur,  non  desierunt  tamen  in  Domino  gaudere.  Imo  superior  fuit  hic  affectus,  ut  tristitiam  absorberet.  Oportuit  enim  laxari  suis  angustiis  Macedonum  animos,  ut  liberaliter  fratribus  succurrerent,  qui  alioqui  restricti  fuissent  Gaudium