44:95  95  IN  HAGGAEDM  96  Sed  spiritus  sanctus  optime  haec  duo  inter  se  conciliat,  nempe  quod  auditur  vox  Dei,  ubi  populus  amplectitur  quod  audit  ex  ore  prophetae:  Quare?  sic  enim  placet  Deo  probare  fidei  nostrae  obedientiam,  dum  partes  istas  iniungit  hominibus.  Nam  si  Domino  placeret  per  se  loqui,  tunc  merito  relinquendi  essent  homines  :  quia  vero  hanc  rationem  elegit,  ideo  quisquis  repudiat  prophetas  Dei,  palam  ostendit  sese  Deum  ipsum  contemnere.  Neque  enim  hic  disputatione  opus  est,  cur  potius  obediendum  sit  verbo  praedicato,  vel  externae  hominum  voci  quam  revelationibus:  sufficiat  nobis  Deo  ita  placere.  Quum  ergo  mittit  ad  nos  prophetas,  sine  controversia  excipere  necesse  est  quod  afferunt,  et  nominatim  etiam  dicit  Haggaeus  se  missum  fuisse  a  Deo  Israelis:  quasi  diceret  populum  hoc  modo  testatum  fuisse  veram  pietatem,  quum  agnovit  Dei  prophetam  in  ipsa  legitima  vocatione.  Nam  qui  obmurmurat  se  nescire  an  placeat  Deo  intermedios  homines  prodire,  qui  verbum  ipsius  annuntient,  ille  ostendit  se  alienissimum  esse  a  Deo.  Nam  satis  hoc  nobis  testatum  esse  debet,  quia  unum  est  ex  primis  elementis.  Postea  addit,  Et  timuit  populus  a  facie  Iehovae.  Hic  confirmat  eandem  doctrinam  Haggaei,  quod  scilicet  populus  non  secus  amplexus  sit  quod  audierat  ex  ore  hominis  mortalis,  quam  si  palam  apparuisset  Dei  maiestas.  Neque  enim  oculare  aliquod  fuit  spectaculum  Dei,  sed  tantundem  efficaciae  obtinuit  prophetae  legatio,  ac  si  Deus  e  coelo  descendens  dedisset  manifesta  signa  praesentiae  suae.  Ergo  colligere  ex  his  verbis  oportet,  sic  fulgere  Dei  gloriam  in  eius  verbo,  ut  perinde  affici  nos  deceat  quoties  loquitur  per  servos  suos,  ac  si  facie  ad  faciem,  ut  alibi  loquitur  scriptura,  nobis  esset  propinquus.  Iam  sequitur:  13.  Et  dixit  Chaggai  legatus  Iehovae  in  legatione  Iehovae,  dicendo  (dicens)  populo.  Ego  vobiscum  sum,  dicit  Iehova.  14.  Et  excitavit  Iehova  spiritum  Zerubbabel  filii  Sealthiel  ducis  Iehudah,  et  spiritum  Iehosuae  filii  Iehosadah  sacerdotis  magni,  et  spiritum  omnium  reliquiarum  (hoc  est,  totius  residuae  multitudinis)  populi:  et  venerunt,  et  fecerunt  opus  in  templo  (in  domo,  ad  verbum)  Iehovae  exercituum  Dei  sui.  Hic  narrat  propheta  secundo  se  animasse  tam  duces  ipsos,  quam  totam  plebem:  quia  aisi  subinde  repetat  Deus  continuas  exhortationes,  frigescit  nostra  alacritas.  Quanquam  ergo  attenti  fuerant  omnes  ad  mandatum  Dei,  oportuit  tamen  confirmari  ipsos  nova  promissione.  Neque  enim  ulla  melior  ratio  est  animandI8  hominibus,  et  torpori  eorum  corrigendo,  quam  ubi  auxilium  suum  Deus  offert,  ac  promittit.  Haec  igitur  ratio  fuit  confirmandi,  Ego  sum  vobiscum.  Et  satis  etiam  docet  experientia,  nunquam  serio  nos,  vel  ex  animo  obtemperare,