35:95  95  SERMON  CXXVI  96  serve.  Ne  voila  point  usurper  notoirement  la  puissance  de  Dieu?  Apres,  le  Pape  aura  ses  bulles,  ses  indulgences  et  pardons  et  choses  semblables  pour  fonder  la  remission  des  pechez,  il  meslera  aussi  le  sang  des  martyrs,  comme  s'il  vouloit  expressement  deroguer  a  la  vertu  de  la  mort  et  passion  de  nostre  Seigneur  Iesus  Christ.  Cependant  il  n'a  nulle  promesse  de  l'Evangile,  il  n'y  a  que  des  badinages,  des  ceremonies  de  sorciers,  force  croix  sur  le  dos,  et  ceci  et  cela:  bref,  ce  ne  sont  que  singeries  de  Satan.  Or  au  contraire  il  est  dit,  Que  la  remission  des  pechez  ne  peut  estre  sans  message  de  Dieu,  c'est  a  dire  sans  predication  et  doctrine.  Le  Pape  quand  il  pardonne  les  pechez  est  muet,  il  n'apporte  point  un  seul  mot  de  la  parole  de  Dieu,  il  n'a  que  ses  charmes  et  sorcelleries  comme  il  a  este  dit.  D'avantage  il  impose  loix  tyranniques  pour  pervertir  le  moyen  que  nostre  Seigneur  a  ordonne:  apres  il  oste  mesmes  la  liberte  a  Dieu,  et  ne  tient  pas  a  luy  qu'il  ne  l'empesche  de  recevoir  les  pecheurs  a  merci.  Voila  donc  l'Eglise  Papale,  ceste  synagogue  diabolique  qui  est  destituee  de  la  remission  des  pechez,  et  par  consequent  elle  est  damnee,  cependant  qu'elle  se  tient  aux  traditions  de  cest  Antechrist:  car  il  est  impossible  qu'elle  puisse  estre  reconciliee  a  Dieu.  Mais  au  contraire  nous  disons  que  les  pechez  sont  pardonnez  aux  hommes,  d'autant  qu'ils  recoivent  le  message  de  l'Evangile,  et  qu'il  n'est  point  question  ici  de  ceremonies  que  les  hommes  ont  controuve,  et  de  loix  qu'on  aura  invente  a  plaisir:  mais  seulement  que  nous  suivions  l'ordre  et  la  regle  que  nostre  Seigneur  Iesus  a  establi,  luy  qui  a  la  remission  de  nos  pechez  en  main.  Il  nous  a  donne  le  moyen  comme  il  veut  qu'elle  soit  faite,  c'est  que  l'Evangile  soit  publie,  qu'on  le  recoive  en  certitude  de  foy.  Quand  donc  nous  aurons  ceste  simplicitela,  nous  pourrons  estre  asseurez  que  ceste  commission  vient  d'enhaut,  et  que  les  hommes  n'entreprenent  et  n'usurpent  rien  ici  de  leur  phantasie  propre.  Voila  ce  que  nous  avons  a  observer  sur  ce  mot,  quand  il  est  dit,  Dieu  aura  pitie  de  luy,  et  le  delivrera.  Il  faut  donc  que  tout  cela  viene  d'enhaut,  et  qu'il  n'y  ait  que  Dieu  seul  qui  besongne  ici  en  sa  bonte  gratuite:  comme  aussi  il  le  proteste  par  son  Prophete  Isaie  (43,  25),  Ce  suis-ie,  ce  suis-ie  moy  qui  efface  tes  iniquitez  Israel.  Il  faut  donc  qu'un  tel  benefice  procede  de  luy:  comme  ce  n'est  point  a  la  creature  de  nous  le  donner.  Nous  voyons  maintenant  quelle  substance  ii  y  a  en  ce  passage  moyennant  qu'il  soit  bien  entendu.  Or  il  est  dit  quant  et  quant  Afin  que  son  ame  n'entre  point  en  la  fosse.  Desia  nous  avons  veu  ci  dessus  que  les  povres  pecheurs  sont  prochains  du  sepulchre,  les  voilat  respassez  et  comme  aneantis  du