31:95  95  PSALMUS  IX.  96  est  ingenio,  qui  si  aperiat  oculos,  non  videat  mirabili  Dei  providentia  fieri  ut  equi  et  boves  hominibus  sua  obsequia  praebeant:  ut  ad  eosdem  vestiendos  lanam  producant  oves,  ut  iisdem  alimentum  ex  propria  carne  omne  genus  animalia  suppeditent.  Quo  magis  visibile  est  dominii  huius  documentum,  quoties  vel  cibo  vescimur,  vel  fruimur  reliquis  commodis,  divinae  gratiae  sensu  nos  magis  decet  affici.  Non  ergo  simpliciter  intelligit  David,  omnibus  Dei  operibus  praefectum  esse  hominem,  quia  se  lana  et  pellibus  vestiat,  quia  animalium  carne  vescatur  quia  eorum  laborem  ad  sua  commoda  applicet:  sed  tantum  demonstrat  in  hoc  spectaculo  dominium  illud  quo  ipsum  Deus  ornavit.  Huc  autem  spectat  summa,  Deum  in  homine  creando  specimen  immensae  erga  eum  gratiae  et  plus  quam  paterni  amoris  edidisse,  quod  merito  nos  omnes  reddere  debeat  attonitos.  Iam  quamvis  hominis  defectione  conditio  illa  fere  pessum  ierit,  manere  tamen  adhuc  quasdam  illius  divinae  liberalitatis  reliquias,  quae  ad  creandam  nobis  admirationem  sufficiant.  Sed  quia  in  hac  lugubri  dissipatione  non  amplius  refulget  legitimus  ille  naturae  ordo,  fideles  tamen,  quos  Deus  sub  Christo  capite  ad  se  colligit,  residua  bonorum,  quibus  in  Adam  spoliati  fuerant,  parte  sic  potiri,  ut  ampla  illis  admirationis  materia  suppetat,  quod  tam  benigne  ab  eo  tractentur.  Etsi  autem  David  tantum  in  temporalibus  Dei  beneficiis  subsidit,  nostrum  tamen  est  altius  progredi,  et  inaestimabiles  coelestis  regni  thesauros,  quos  in  Christo  explicuit,  et  quaecunque  ad  spiritualem  vitam  pertinent  dona,  reputare,  ut  haec  consideratio  corda  nostra  ad  pietatis  studium  accendat,  nec  torpere  nos  sinat  in  celebrandis  eius  laudibus.  PSALMUS  IX.  ARG.  David  postquam  recensuit  superiores  quas  adeptus  erat  victorias,  ac  iu  eorum  successu  Dei  gratiam  et  virtutem  magnifice  extulit:  nunc  denuo  surgentibus  novis  hostibus  et  periculis,  implorat  eiusdem  Dei  fidem  quem  liberatorem  erat  expertus,  eorumque  superbiam  prosterni  optat.  1.  Praefecto  Almufh  Laben,  canticum  Davidis.  Inscriptio  haec  varie  exponitur.  Nonnulli  enim  transferunt:  Super  morte  Laben:  et  hunc  praecipuum  aliquem  ex  ducibus  hostium  fuisse  volunt.  Alii  malunt,  fictitium  fuisse  nomen:  putantque  in  hoc  Psalmo  notari  Goliath.  Alii  musicum  fuisse  instrumentum  docent.  Mihi  vero  rectius,  vel  saltem  (ut  in  re  obscura)  magis  probabile  videtur,  initium  fuisse  celebris  carminis,  ad  cuius