27:95  95  SERMON  LXXV.  96  bien,  nous  aurons  honte  de  ne  daigner  point  regarder  a  cela.  Mais  quoy?  Nous  ferons  bonne  mine,  on  aura  bien  quelque  ombrage  de  iustice,  voire  par  le  menu,  et  pour  des  choses  particulieres:  mais  cependant  nous  continuons  tousiours  nostre  train  du  temps  passe,  et  ferons  des  actes  tels,  que  nous  monstrerons  bien  qu'en  tout  le  reste  il  n'y  a  eu  qu'hypocrisie,  et  que  nous  n'y  allons  pas  en  rondeur  et  integrite,  d'autant  que  nous  sommes  doubles.  Or  Dieu  ne  Veut  point  un  tel  partage.  Il  dit  notamment:  Advisez,  quand  i'ay  chastie  ceux  qui  avoyent  failli,  si  vous  ne  voulez  estre  enveloppez  en  une  mesme  malediction,  il  ne  vous  faut  point  seulement  reformer  vostre  vie  en  ceci,  ou  en  cela:  mais  il  vous  faut  reigler  du  tout  a  ma  Loy,  que  vous  cheminiez  en  rondeur  telle,  qu'on  appercoyve  que  vous  estes  dediez  a  mon  service,  et  que  vous  ne  demandez  sinon  que  ie  domine  par  dessus  vous.  Voila  donc  a,  quoy  Moyse  a  regarde,  en  disant:  Faites  donc  auiourd'huy  tous  les  commandemens  que  ie  vous  propose.  Or  il  est  vray  que  la  foiblesse  des  hommes  est  telle,  que  iamais  ne  viendront  a  bout  de  parfaire  la  Loy:  mais  tant  ya  qu'il  nous  y  faut  aspirer.  Quand  nous  y  ferons  tous  nos  efforts,  encores  serons-nous  redevables  de  beaucoup:  et  si  nous  voulons  entrer  en  conte,  pour  un  poinct  que  nous  aurons  observe,  il  y  en  aura  cent  ausquels  nous  aurons  failli.  Cognoissons  donc  nos  fautes.  Mais  cependant  si  nous  faut-il  avoir  ce  but-la,  c'est  de  nous  ranger  a  l'obeissance  de  nostre  Dieu  sans  exception,  que  nous  ne  facions  point  un  partage  avec  luy,  pour  dire:  Et  bien,  quant  a  telle  chose,  ie  suis  content  de  me  ranger  a  Dieu:  mais  il  faut  qu'il  me  pardonne  cela,  qu'il  me  supporte  en  tel  endroict.  O  si  nous  voulons  faire  un  tel  marche  avec  luy,  nous  sentirons  en  la  fin  que  nostre  vaine  confiance  nous  aura  frustrez.  Et  mesmes  poisons  aussi  bien  ce  mot,  quand  il  dit,  que  c'est  luy  qui  propose  les  commandemens  de  Dieu.  Or  par  cela  il  nous  ramene  a  la  parolle  telle  qu'elle  nous  est  preschee  :  car  il  ne  veut  point  que  nous  allions  cercher  en  Fair,  ni  par  dessus  les  nues  la  cognoissance  de  sa  volonte:  contentons-nous  qu'il  est  descendu  ici  bas,  et  qu'il  parle  a  nous  par  la  bouche  des  homines.  Tousiours  les  mutins  ont  bien  dit  qu'ils  vouloyent  servir  a  Dieu:  car  c'est  une  chose  trop  execrable  de  prononcer  ce  blaspheme,  qu'ils  quittent  Dieu,  et  ne  veulent  plus  estre  siens.  Ils  feront  donc  une  belle  protestation:  mais  cependant  ils  foullent  au  pied  la  parolle,  en  laquelle  Dieu  veut  estre  recogneu  et  servi.  Et  on  a  veu  cela  de  tout  temps  et  nous  l'avons  apperceu  en  ces  contempteurs  qui  ont  ici  croupi  au  milieu  de  nous  pour  insecter  tout,  que  tous  leurs  propos  ne  tendoyent  sinon  d'abolir  une  partie  de  l'Escriture  saincte.  Car  ils  mettoyent  en  avant,  qu'il  n'estoit  plus  de  besoin  d'avoir