21:95  95  VIE  DE  CALVIN  96  Ceste  annee-la  donc,  ayant  acheve  les  Lamentations  de  Ieremie  en  ses  lecons  le  19  de  Janvier,  ii  commenca  le  lendemain  le  Prophete  Ezechiel.  Et  ayant  acheve  es  sermons  ordinaires  de  sa  sepmaine  le  premier  livre  de  Samuel,  il  commenca  le  second  livre  le  3.  iour  de  Fevrier.  Un  peu  apres  il  fut  adverti  de  Poloigne,  que  depuis  que  Terreur  de  Stancarus  avoit  este  cognu  et  reiette,  la  encore  certains  fantastiques,  desquels  estoit  George  Blandrata,  troubloyent  les  fideles,  en  renversant  le  poinct  de  nostre  foy  touchant  la  Trinite  des  personnes  en  une  seule  essence  divine,  et  faisant  trois  essences:  comme  de  fait  ils  avoyent  este  impudens  jusques-la,  que  de  faire  une  Table,  pour  monstrer  que  le  Fils  et  le  sainct  Esprit  ne  sont  pas  le  mesme  Dieu  que  le  Pere  [g  5].  Ce  qui  fut  cause  qu'il  fit  imprimer  une  brieve  remonstrance  ausdits  freres  de  Poloigne,  qu'ils  se  donnassent  garde  de  se  forger  trois  dieux,  en  imaginant  trois  essences  au  lieu  de  trois  Personnes.  La  sur  ce  propos  il  taxe  nommement  Matthieu  Gripald  et  Valentin  Gentil.  Depuis  ayant  sceu  qu'icelle  remonstrance  avoit  proffite  envers  plusieurs,  pour  leur  faire  cognoistre  les  ruses  de  tels  galans,l)  il  escrivit  ausdits  freres  de  Poloigne  une  seconde  epistre,  datee  du  dernier  d'Avril,  pour  les  confirmer  davantage  en  ce  principal  article  de  nostre  religion.  Il  mit  aussi  en  lumiere  son  Commentaire  sur  les  quatre  derniers  livres  de  Moyse,  redigez  en  forme  de  Concordance.  Davantage  furent  imprimees  ses  lecons  sur  Ieremie,  qu'il  avoit  expose  en  lescole  comme  il  a  este  dit.  En  Iuin  on  commenca  a  exposer  en  la  Congregation  le  livre  de  Iosue.  En  la  fin  d'Aoust  ou  environ  il  se  trouva  fort  presse  de  sa  goutte  et  longuement,  avec  certains  intervalles,  qui  toutesfois  n'estoyent  pas  sans  douleur.  Nonobstant  il  ne  laissoit  de  s'efforcer  de  faire  son  devoir  en  prive,2)  estant  marri  que  la  maladie  l'empeschoit  de  le  faire  en  public.  Mais  quand  tout  est  dit,  lors  qu'on  eust  pense  qu'il  se  reposast,  il  faisoit  beaucoup:  comme  aucuns  freres  Ministres  des  Eglises  de  France,  qui  lors  le  vindrent  voir  pour  luy  communiquer  de  certains  poincts  et  doutes  survenans  en  l'exercice  de  leur  charge,  en  peuvent  bien  avoir  souvenance,  ayans  ouy  ses  responses.  Il  les  receut  humainement,  et  combien  que  la  goutte  le  rendist  moins  alaigre,  si  est-ce  qu'en  signe  de  fraternite  il  voulut  soupper  avec  eux  en  son  logis,  ou  estoyent  aussi  ses  compagnons  les  autres  Ministres  de  l'Eglise  de  Geneve,  tant  ceux  des  champs  que  de  la  ville.  Au  reste,  il  traduisoit  lors  en  Francois  ses  Commentaires  sur  les  quatre  derniers  livres  de  Moyse,  reconferoit  la  Translation  du  premier,  et  faisoit  aussi  1)  de  ces  esprits  Jb\  2)  particulier  F.