19:95  95  EPISTOLAE  3598.3600  96  3598.  FARELLUS  MINISTRIS  NEOCOMENSIBUS.  Ex  itinere  in  patriam.  Agitat  quaestionem  quo  pacto  Matisconensibus  satisfieri  possit  citra  damnum  aliarum  ecclesiarum.  (Legitur  in  eadem  scheda  scripta  ac  N.  3591  sine  inscriptione.  Ex  quo  collegeris  fortasse,  Neocomenses  Farello  epistolam  Calvini  iam  profecto  misisse,  ipsumque  eadem  charta  usum  responsionem  iis  mittendam  hic  adumbrasse.  Edita  est  ad  calcem  Opusculi  Farelliani  :  Du  vray  usage  de  la  croix  a  Fickio  a.  1865  recusi  p.  304.)  S.  Habui  obvium  optimum  fratrem  1)  cum  eo  quem  mittit  ecclesia  summe  flagitans  fratrem  sibi  dari:  contulimus  paucis  de  iis  quae  fusius  audietis.  Precibus  valde  est  opus,  ne  quas  nobis  concredidit  Dominus  ecclesias  desolemus.  Sorelus  quam  sit  nobis  necessarius  nostis.  Hoc  fratre  quomodo  carere  possumus?  Nec  minus  curandum  est,  ne  in  Deum  et  ecclesias  tales  ac  tantas  peccemus,  si  progressum  evangelii  et  qui  palam  est  fructum  remoremur  ita  si  mordicus  nostra  retineamus.  Mature  nic  omnia  sunt  dispicienda  ut  secundum  Deum  fiajit  omnia.  Quod  ad  me  attinet,  admiror  ea  quae  Dominus  proponit  per  hos,  2)  quum  omnes  dissuadeant  transitum  per  Oameracum  ob  ducem  tam  infensum,  ut  dicunt,  mihi,  et  montium  asperitatem  et  rigorem  hiemis  qui  apud  nostros  durior  est.  Hic  ecclesiae  nomine  offert  ut  via  commodiore,  licet  longior  sit,  possim  ad  nostros  tandem  deduci:  ubi  aliquamdiu  apud  eos  haeserim.  Multum  me  movet  cum  persuasione  fratris  Calvini  consilium.3)  Sed  hic  nihil  praeter  vestrum  consensum  volo  agere.  Si  vobis  probatur  ut  consilio  fratrum  qui  Genevae  docent  agam,  indicate,  et  praefectum  salutatum  horum  conscium  facite  et  eos  quos  oportet,  ne  levitatis  arguamur,  sed  pateat  nos  in  sancto  perseverare  proposito  de  sequendo  Genevensium  consilio,  quum  norint  quid  Gallicis  ecclesiis  expediat.  Valete  fratres.  Christus  Iesus  suo  vos  plene  spiritu  dirigat,  vos  servet  et  ecclesias  omnes  vestris  et  ecclesiarum  precibus  adiuvari  opto.  Ex  diversorio  Sarrano4)  Calen.  Novemb.  1561.*)  Vester  Farellus.  3598.1)  Nomen  praebet  editio  supra  ladata:  Rychele.  2)  In  ea  vocatione  Matisconensium  videt  providentiae  divinae  monitum  ne  per  Sabaudiam  Vapincum  petat,  sed  iter  per  Burgundiam  praeferat.  3)  Videbis  quid  ecclesiae  vestrae  conditio  ferat,  dicentis.  4)  Cogitabamus  de  La  Sarra,  inter  Orbam  et  Cossonex.  Libellus  a  Fickio  editus  Serrieres  prope  Neocomum  indicat.  5)  Hist  eccl  I.  891;  Farel  allant  de  Neufchastel  a  Gap  ville  de  sa  naissance  et  passant  par  Grenoble  y  fit  une  vive