10.1:95  ORDONNANCES.  S'il  estoit  trouve  indigne  et  demonstre  tel  par  probations  legitimes,  il  faudroit  lors  proceder  a��  nouvelle  election  pour  en  prendre  un  autre.  Quant  a  la  maniere  de  l'introduire,  pource  que  les  ceremonies  du  temps  passe  ont  este  tournees  en  beaucoup  de  superstitions,  k  cause  de  l'infirmite  du  temps,  il  suffira  qu'il  se  face  par  un  des  Ministres  une  declaration  et  remonstrance  de  l'office  auquel  on  l'ordonne,  puis  qu'on  face  prieres  et  oraisons,  afin  que  le  Seigneur  lui  face  la  grace  de  s'en  acquiter.  Quand  il  sera  esleu,  qu'il  ait  a  iurer  entre  les  mains  de  la  Seigneurie:  duquel  serment  la  forme  convenable  a  un  Ministre  est  ainsi  que  s'ensuit.  Mode  et  forme  du  serment  et  promesse  que  les  [page  8]  Ministres  evangeliques,  admis  et  receuz  en  la  Cite  de  Geneve,  doivent  faire  entre  les  mains  des  Seigneurs  Syndiques  et  conseil  de  la  dicte  Cite.  Ie  promets  et  iure  qu'au  ministere  auquel  ie  suis  appele,  ie  serviray  fidelement  a  Dieu,  portant  purement  sa  parole  pour  edifier  ceste  Eglise  a,  laquelle  il  m'a  oblige:  et  que  ie  n'abuseray  point  de  sa  doctrine  pour  servir  a  mes  affections  charnelles,  ne  pour  complaire  a  homme  vivant,  mais  que  i'en  useray  en  saine  conscience  pour  servir  a  sa  gloire,  et  a  l'utilite  de  son  peuple  auquel  ie  suis  detteur.  Ie  promets  et  iure  aussi  de  garder  les  ordonnances  Ecclesiastiques,  ainsi  qu'elles  ont  este  passees  par  le  petit,  grand  et  general  Conseil  de  ceste  Cite:  et  en  ce  qu'il  m'est  la  donne  de  charge  d'admonester  ceux  qui  auront  failli,  m'en  acquiter  lealement,  sans  donner  lieu  a  haine,  faveur,  vengeance  ou  autre  cupidite  charnelle,  et  en  general  de  faire  ce  qui  appartient  a  un  bon  et  fidele  Ministre.  Tiercement  ie  iure  et  promets  de  garder  et  maintenir  l'honneur  et  le  profit  de  la  Seigneurie  et  de  la  Cite,  mettre  peine  en  tant  qu'a  moy  sera  possible,  que  le  peuple  s'entretienne  en  bonne  paix  et  union  sous  le  gouvernement  de  la  Seigneurie  :  et  ne  consentir  aucunement  a  ce  qui  contreviendroit  a  cela,  ains  de  persister  en  ma  dicte  vocation  au  service  susdict,  tant  en  temps  de  prosperite  que  d'adversite,  soit  paix,  guerre,  peste  ou  autrement.  [page  9]  Finalement  ie  promets  et  iure  d'estre  suiect  a  la  police  et  aux  statuts  de  la  Cite,  et  monstrer  bon  exemple  d'obeissance  a  tous  les  autres:  me  rendant  pour  ma  part  suiect  et  obeissant  aux  lois  et  au  Magistrat  en  tant  que  mon  office  le