46:947  947  SERMONS  948  a  condamner.  Mais  cependant  leur  service  ne  laisse  pas  d'estre  agreable  a  Dieu,  car  il  excuse  leur  estonnement  iusques  a  ce  qu'il  les  ait  ramenees.  Et  en  cela  voyons  nous  que  quand  nostre  Seigneur  approuve  ce  que  nous  faisons,  tant  s'en  faut  que  nous  luy  puissions  mettre  cela  en  conte,  pour  -dire  que  nous  l'avons  merite,  que  tout  au  contraire  c'est  de  sa  bonne  gratuite  qu'il  avoue  ce  qui  n'estoit  pas  digne  de  luy  estre  offert.  Oar  il  y  aura  tousiours  occasion  de  condamner  nos  oeuvres  quand  Dieu  les  voudra  examiner  a  la  rigueur,  d'autant  qu'elles  seront  tousiours  entachees  de  quelque  macule.  Mais  cependant  Dieu  nous  espargne,  et  ne  laisse  pas  de  recevoir  ce  que  nous  venons  luy  offrir,  quelque  infirmite  ou  vice  qu'il  y  ait:  moyennant  que  le  tout  soit  purifie  par  foy,  et  que  nous  scachions  que  ce  n'est  sinon  a  cause  que  nous  luy  sommes  agreables  en  Iesus  Christ.  Voyla  donc  ce  que  nous  avons  a  observer.  Mais  cependant  cognoissons  aussi  qu'il  a  bien  falu  qu'il  y  eust  une  autre  odeur,  et  beaucoup  meilleure,  et  de  plus  grande  vertu,  en  la  sepulture  de  nostre  Seigneur  Iesus  Christ,  que  de  ces  onguents  dont  il  est  fait  mention.  Nous  avons  desia  declare  que  les  Iuifs  avoyent  accoustume  d'oindre  les  corps,  afin  d'estre  confermez  en  l'esperance  de  la  resurrection  et  de  la  vie  celeste:  et  c'estoit  pour  monstrer  que  les  corps  ne  vont  pas  tellement  en  pourriture,  qu'ils  ne  soyent  conservez  iusques  au  dernier  iour,  voire  et  que  Dieu  ne  les  restaure.  Mais  il  faloit  que  le  corps  de  nostre  Seigneur  Iesus  Christ  fust  tout  exempt  de  pourriture.  Or  les  baumes  n'ont  peu  luy  apporter  cela:  mais  pource  qu'il  avoit  este  declare  que  Dieu  ne  souffriroit  point  que  son  sainct  et  debonnaire  veist  corruption,  voyla  comme  par  miracle  nostre  Seigneur  Iesus  a  este  preserve  de  toute  pourriture.  Et  au  reste,  parce  qu'il  a  este  exempt  de  corruption,  nous  sommes  maintenant  certains  et  asseurez  de  la  gloire  de  la  resurrection,  laquelle  nous  est  desia  apparue  en  sa  personne.  Nous  voyons  donc  maintenant  que  l'odeur  de  la  sepulture  et  de  la  resurrection  de  nostre  Seigneur  Iesus  Christ  s'estend  a  nous,  tellement  que  nous  en  sommes  vivifiez.  Or  que  reste-il?  Que  nous  ne  l'allions  plus  chercher  au  sepulchre  comme  ces  femmes,  desquelles  l'ignorance  et  l'infirmite  nous  ont  servi:  mais  que  nous  tendions  en  haut,  puis  qu'il  nous  appelle  et  convie  la:  puis  qu'il  nous  y  a  monstre  le  chemin,  et  nous  a  declare  qu'il  est  entre  en  possession  de  son  Royaume  celeste,  afin  de  nous  j  apprester  lieu  et  place,  quand  par  foy  nous  l'y  chercherons.  Mais  il  nous  faut  aussi  noter  ce  que  S.  Matthieu  adiouste:  L'Ange,  dit-il,  est  apparu,  lequel  a  espovante  les  gendarmes  en  sorte  qu'ils  sont  devenus