46:945  945  DE  LA  PASSION.  946  qui  ont  este  choisis  a  cela,  non  point  du  coste  des  hommes,  mais  de  la  Maieste  souveraine  de  Dieu?  Et  ce  n'a  pas  este  seulement  pour  un  coup  que  nostre  Seigneur  Iesus  leur  a  declare  qu'il  estoit  vivant,  mais  par  plusieurs  fois.  Ainsi  ce  que  les  Apostres  ont  doute  et  leur  incredulite  nous  doit  servir  de  plus  grande  confirmation.  Car  si  du  premier  coups  ils  eussent  creu  la  resurrection  de  nostre  Seigneur  Iesus  Christ,  on  pourroit  alleguer  qu'il  y  auroit  eu  trop  grande  facilite.  Mais  ils  sont  si  tardifs  qu'il  faut  que  Iesus  Christ  leur  reproche  qu'ils  sont  gens  hebetez  et  de  nulle  foy,  qu'ils  ont  l'esprit  si  pesant  et  si  grossier  qu'ils  ne  comprenent  rien.  Quand  donc  les  Apostres  ont  este  si  difficiles  a  recevoir  cest  article  de  foy,  cela  nous  doit  tant  mieux  certifier.  Car  puis  qu'ils  ont  este  amenez  comme  par  force,  c'est  bien  raison  maintenant  que  nous  suyvions:  comme  il  es  dit,  Tu  l'as  veu  Thomas,  et  tu  l'as  creu:  mais  bien  heureux  sont  ceux  qui  le  croyent  sans  veoir.  Or  donc  quand  il  est  ainsi  parle  que  nostre  Seigneur  Iesus  est  apparu  a  deux  femmes,  pensons  a  ce  qui  est  dit  en  l'autre  passage  de  sainct  Paul  :  c'est  ascavoir  qu'il  ne  nous  faut  point  arrester  a  ceux  qui  parlent,  pour  adiouster  foy  a  leur  dire,  selon  la  qualite  ou  condition  de  leurs  personnes,  mais  plustost  que  nous  devons  eslever  nos  yeux  et  nos  sens  en  haut,  pour  nous  assuietir  a  Dieu,  lequel  merite  bien  d'avoir  toute  superiorite  par  dessus  nous,  et  que  nous  soyons  captifs  sous  sa  Parolle.  Car  si  nous  ne  sommes  dociles  il  est  certain  que  iamais  nous  ne  profiterons  en  la  doctrine  de  l'Evangile.  Et  cela  ne  doit  pas  estre  attribue  a,  une  sottise,  quand  nous  recevons  ce  que  Dieu  nous  declare  et  testifie.  Car  quand  nous  aurons  apprins  par  obeissance  de  proufiter  en  son  eschole  et  en  la  foy,  nous  cognoistrons  que  c'est  la  perfection  de  toute  sagesse  que  de  nous  estre  ainsi  assuietis  a  luy.  Or  maintenant  venons  a  ceste  histoire  qui  est  yci  recitee.  Il  est  dit  que  Marie  Magdalene  avec  sa  compagne  sont  venues  au  sepulchre  le  premier  iour  des  Sabbaths,  c'est  a  dire,  le  premier  iour  de  la  sepmaine.  Car  les  Iuifs  retenoyent  le  sabmedi,  qu'ils  appeloyent  Sabbath,  pour  le  iour  du  repos,  comme  aussi  le  mot  le  signifie:  et  puys  nommoyent  les  iours  ensuyvans  de  toute  la  sepmaine,  Premier  iour  du  {Sabbath,  second  iour,  troisieme  iour  etc.  Or  pource  qu'ils  commencoyent  le  iour  apres  soleil  couchant,  il  est  dit  que  les  Maries  acheterent  des  onguents  aromatiques,  apres  que  le  sabbath  fut  fini,  et  firent  leurs  preparatifs  pour  venir  le  lendemain  au  sepulchre.  Et  elles  n'estoyent  pas  seulement  deux.  Vray  est  que  S.  Iehan  nomme  Marie  Magdalene  seulement:  S.  Matthieu  en  nomme  deux,  et  nous  voyons  par  S.  Luc  qu'il  y  en  a  eu  beaucoup  en  nombre.  Mais  le  tout  s'accorde  tres-bien:  car  Calvini  opera.  Vol.  XLVI.