46:944  comme  mise  sous  le  pied,  et  ensevelie.  Or  nostre  Seigneur  Iesus  ne  les  a  pas  voulu  punir  a  la  rigueur,  mais  si  est-ee  qu'il  leur  a  monstre  leur  faute  par  une  correction  douce  :  c'est  qu'il  leur  a  ordonne  des  femmes  pour  maistresses.  Ils  avoyent  este  choisis  auparavant  pour  publier  l'Evangile  par  tout  le  monde  (ce  sont  a  la  verite  les  premiers  docteurs  en  l'Eglise):  mais  d'autant  qu'ils  ont  este  si  lasches  de  se  trouver  ainsi  esperdus,  tellement  que  leur  foy  a  este  comme  amortie,  c'est  bien  raison  qu'ils  cognoissent  qu'ils  ne  sont  pas  dignes  d'ouir  nulle  doctrine  de  la  bouche  de  nostre  Seigneur  Iesus  Christ.  Voyla  donc  pourquoy  ils  sont  renvoyez  a  des  femmes,  iusques  a  ce  qu'ils  ayent  mieux  reconnu  leurs  fautes,  et  que  Iesus  Christ  les  ait  remis  en  leur  estat  et  degre,  voire  par  grace.  Et  au  reste  (comme  i'ay  dit)  nous  sommes  tous  advertis  en  general  de  recevoir  le  tesmoignage  qui  nous  est  envoye  de  Dieu,  encores  que  les  personnes  qui  parlent  soyent  de  petite  qualite,  ou  qu'elles  n'ayent  point  credit  et  reputation  selon  le  monde.  Comme  de  fait,  quand  un  homme  sera  eleu  ou  ordonne  pour  estre  notaire  et  personne  publique,  ce  qu'il  fait  sera  receu  comme  authentique.  On  ne  dira  pas  ne  ceci  ne  cela  pour  luy  contredire  :  car  l'office  luy  donne  reverence  entre  les  hommes.  Et  Dieu  aura-il  moins  de  preeminence  que  les  princes  terriens,  qu'il  n'ordonne  ceux  que  bon  luy  semble  pour  estre  ses  tesmoins,  desquels  on  recoyve  tout  ce  qu'il  dira,  sans  contredit  ni  replique?  Certes  il  le  faut  bien,  sinon  que  nous  vueillions  estre  rebelles  a  Dieu  mesme.  Voyla  donc  ce  que  nous  avons  a  retenir  en  premier  lieu.  Et  au  reste,  notons  aussi,  combien  que  nostre  Seigneur  Iesus  Christ  soit  apparu  a,  des  femmes,  et  qu'elles  ayent  tenu  le  premier  rang  d'honneur,  si  est-ce  que  puis  apres  il  a  rendu  luy-mesme  suffisant  tesmoignage  de  sa  resurrection  :  tellement  que  si  nous  ne  fermons  les  yeux,  bouchons  les  aureilles,  et  par  certaine  malice  vueillions  estre  endurcis  et  stupides,  nous  avons  plene  certitude  de  cest  article  de  foy:  comme  aussi  il  est  de  grande  importance.  Car  quand  S.  Paul  redargue  l'incredulite  de  ceux  qui  encore  doutoyent  si  Iesus  Christ  estoit  ressuscite,  il  n'amene  pas  seulement  les  femmes,  mais  il  amene  Pierre  et  Iaques,  et  puis  les  douze  Apostres:  et  puis  plus  .de  cinq  cens  disciples,  ausquels  nostre  Seigneur  Iesus  est  apparu.  Comment  donc  pourrons-  nous  excuser  nostre  malice  et  rebellion,  si  nous  n'adioustons  foy  a  plus  de  cinq  cens  tesmoins