46:943  943  SERMONS  944  NEUFIEME  SERMON  QUI  EST  DE  LA  BESURRECTION  DE  IESUS  CHRIST,  FAIT  LE  IOUR  DE  PASQUES  .AUQUEL  SE  CELEBRE  LA  SAINCTE  CENE  DU  SEIGNEUR.  MATTH.  Ch.  XXVIII.  1.  Or  au  vespre  des  Sabbaths,  au  iour  qui  commence  a  luire  pour  le  premier  des  iours  du  Sabbath,  Marie  Magdalene,  et  l'autre  Marie,  veinrent  veoir  le  sepulchre.  2.  Et  voyci  il  se  fit  un  grand  tremblement  de  terre  :  car  V  Ange  du  Seigneur  descendit  du  ciel,  et  veint,  et  roula  la  pierre  arriere  de  Vhuis,  et  s'assit  sur  icelle.  3.  Et  son  regard  estoit  comme  esclair,  et  son  vestement  blanc  comme  neige.  4.  Et  les  gardes,  pour  la  crainte  qu'ils  eurent  de  luy,  furent  espovantez,  et  deveinrent  comme  morts.  5.  Mais  V  Ange  dit  aux  femmes,  Vous  autres  ne  craignes  point:  car  ie  scay  que  vous  chercher  Iesus  qui  a  este  crucifie:  6.  Il  n'est  pas  yci:  car  il  est  ressuscite,  comme  il  avoit  dit*  Venez,  voyez  le  lieu  ou  le  Seigneur  estoit  mis.  7.  Et  ^ous  en  allez  bien  tost,  et  dites  a  ses  disciples  qu'il  est  ressuscite  des  morts:  et  voy  ci  il  syen  va  devant  vous  en  Galilee:  vous  le  verrez  la:  voyci  ie  le  vous  ay  dit.  8.  Ei  elles  se  partirent  legerement  du  monument  avec  crainte  et  grand1  ioye,  et  coururent  l'annoncer  aux  disciples  dHceluy.  Mais  comme  elles  alioyent  pour  V  annoncer  a  ses  disciples,  9.  Voyci  Iesus  leur  veint  au  devant,  disant,  Bien  vous  soit.  Et  elles  s'approcherent,  et  empoignerent  ses  pieds,  et  s'enclinerent  devant  luy.  IO.  Adonc  Iesus  leur  dit,  Ne  craignez  point:  allez,  annoncez  a  mes  freres  qu9ils  aillent  en  Galilee,  et  la  ils  me  verront  On  pourroit  trouver  estrange  de  prime  face  pourquoy  nostre  Seigneur  Iesus,  voulant  certifier  sa  resurrection,  est  plustost  apparu  a  des  femmes  qu'a  ses  disciples.  Mais  en  cela  nous  avons  a  considerer  qu'il  a  voulu  esprouver  l'humilite  de  nostre  foy.  Car  il  ne  faut  point  que  nous  soyons  fondez  en  sagesse  humaine,  mais  que  nous  recevions  en  toute  obeissance  ce  que  nous  scavons  proceder  de  luy.  Et  d'autre  part  il  n'y  a  doute  qu'il  n'ait  voulu  punir  les  disciples,  quand  il  leur  a  envoye  des  femmes  pour  les  enseigner:  a  cause  que  l'instruction  qu'ils  avoyent  receue  de  sa  bouche  leur  avoit  este  comme  de  nul  profit  quand  s'estoit  venu  au  besoin.  Car  les  voyla  tous  dissipez:  ils  delaissent  leur  Maistre,  ils  sont  confus  de  crainte.  Et  de  quoy  leur  a-il  servi  d'estre  par  l'espace  de  trois  ans  et  plus  en  l'eschole  du  Fils  de  Dieu?  Une  telle  laschete  donc  meritoit  grande  punition,  et  qu'ils  fussent  du  tout  privez  de  la  cognoissance  qu'ils  avoyent  receue  auparavant,  d'autant  qu'ils  l'avoyent