46:942  soyons  la  comme  povres  trespassez,  et  qu'en  vivant  en  ce  monde  il  semble  que  nous  soyons  comme  povres  gens  perdus:  neantmoins  il  nous  convient  souffrir  tout  cela  iusques  a  ce  que  nostre  Seigneur  Iesus  viene:  car  alors  nostre  vie  sera  manifestee  en  luy,  voire  en  temps  opportun.  Voyla  donc  ce  que  nous  avons  a  observer  quant  a  la  sepulture  de  nostre  Seigneur  Iesus  Christ,  iusques  a  ce  que  nous  venions  au  reste,  qui  sera  pour  monstrer  que  non  seulement  il  a  satisfait  pour  tou��  nos  pechez,  mais  aussi  qu'ayant  obtenu  victoire  il  nous  a  acquis  perfection  de  toute  iustice,  par  laqnelle  nous  soyons  auiourd'huy  agreables  a  Dieu,  ponr  avoir  acces  a  luy  et  l'invoquer  en  son  nom.  Et  en  ceste  confiance  nous-nous  prosternerons  devant  sa  saincte  Maieste,  le  prians  qu'il  nous  recoyve  tous  a  merci,  que  quelques  povres  et  miserables  que  nous  soyons,  nous  ne  laissions  pas  d'avoir  nostre  refuge  a  sa  misericorde.  Et  combien  que  de  iour  en  iour  nous  provoquions  son  ire  contre  nous,  et  qu'a  bon  droict  nous  meritions  d'estre  reiettez  de  luy,  que  nous  attendions  neantmoins  qu'il  monstre  le  fruit  et  la  vertu  de  la  mort  et  passion  que  son  Fils  unique  a  enduree,  par  laquelle  nous  avons  este  reconciliez,  et  que  nous  ne  doutions  qu'il  ne  nous  soit  tousiours  Pere:  voire  quand  ii  nous  fera  la  grace  de  nous  monstrer  vrais  enfans  envers  luy.  Et  que  nous  declarions  cela  par  effect,  en  sorte  que  nous  ne  demandions  sinon  d'estre  du  tout  siens:  comme  aussi  il  nous  a  tant  cherement  acquis,  et  a  bon  droit  nous  devons  estre  plenement  reformez  a  son  service.  Et  d'autant  que  nous  sommes  tant  infirmes,  que  nous  ne  scaurions  pas  nous  acquitter  de  la  centieme  partie  de  nostre  devoir,  encores  qu'il  besongne  en  nous  par  son  S.  Esprit,  parceque  tousiours  les  infirmitez  de  nostre  chair  emportent  tant  de  resistances  et  de  combats  que  nous  ne  faisons  que  nous  trainer  au  lieu  de  marcher  comme  il  appartiendroit.  Qu'il  luy  plaise  de  nous  despouiller  de  tout  cela,  et  que  nous  soyons  conioints  k  luy  etc.