46:941  941  DE  LA  PASSION.  942  ne  laissions  pas  d'y  adherer.  Et  mesmes  que  nous  cognoissions  que  ce  sera  tousiours  tout  nostre  bien  et  contentement,  quand  Dieu  acceptera  nostre  service,  et  que  nous  scaurons  que,  s'il  faut  que  nous  languissans  en  ce  monde,  puis  qu'ainsi  est  que  nostre  Seigneur  Iesus  est  parvenu  a  la  gloire  de  sa  resurrection,  ce  n'est  point  afin  d'estre  separe  d'avec  nous:  mais  qu'en  temps  opportun  il  nous  recueillera  a  soy.  Au  reste,  il  ne  se  faut  point  esbahir  si  nostre  Seigneur  Iesus  est  ressuscite  au  troisieme  iour:  car  c'est  bien  raison  qu'il  ait  eu  quelque  privilege  par  dessus  Tordre  commun  de  l'Eglise.  Et  en  ceci  a  aussi  este  accompli  ce  qui  est  dit  au  Pseaume  16:  Tu  ne  permettras  point  que  ton  Sainct  voye  corruption.  Il  a  falu  donc  que  le  corps  de  nostre  Seigneur  Iesus  Christ  demourast  incorruptible  iusques  au  troisieme  iour:  mais  il  avoit  eu  son  terme  ordonne  et  establi  par  le  conseil  de  Dieu  son  Pere.  De  nostre  coste  nous  n'avons  point  de  terme  assigne,  sinon  le  dernier  iour.  Et  ainsi  attendons  que  nous  ayons  langui  tant  qu'il  plaira  a  Dieu:  et  en  la  fin  nous  cognoistrons  qu'en  temps  opportun  il  trouvera  moyen  de  nous  restaurer,  apres  que  nous  aurons  este  aneantis  du  tout.  Comme  aussi  S.  Paul  nous  exhorte  a  cela  quand  il  dit  que  Iesus  Christ  est  les  premices:  ce  qui  est  pour  retarder  ce  zele  ardent  duquel  nous  sommes  quelques  fois  par  trop  transportez:  car  nous  voudrions  voler  sans  ailes,  et  nous  sommes  faschez  si  Dieu  nous  laisse  en  ce  monde,  et  qu'il  ne  nous  retire  du  premier  coup  au  ciel.  Nous  voudrions  y  estre  menez  en  chariot  de  feu  comme  Elie:  brief,  nous  voudrions  faire  nos  triomphes  devant  qu'avoir  combatu.  Or  pour  resister  a  telle  cupidite  et  a  ces  fols  appetis,  S.  Paul  dit  que  Iesus  Christ  est  les  premices  et  qu'il  nous  faut  contenter  qu'en  sa  mort  nous  avons  un  certain  gage  de  la  resurrection.  Tant  y  a  que  d'autant  qu'il  est  assis  a  la  dextre  de  Dieu  son  Pere,  exercant  tout  empire  et  haut  et  bas,  combien  que  sa  maieste  ne  soit  pas  encores  apparue,  et  qu'il  faille  que  nostre  vie  soit  cachee  en  luy,  que  nous