8:94  en  la  fin,  si  quelcun  avoit  quelque  doute  ou  scrupule,  il  le  pourra  declarer,  afin  que  le  tout  soit  mieux  declare  et  approuve,  c'est  assavoir,  par  l'Escriture  saincte.  Or  voicy  par  ou  il  [page  3]  nous  faut  commencer  :  c'est  assavoir,  que  quand  nous  croyons  en  lesus  Christ,  cela  ne  vient  pas  de  nostre  propre  industrie,  ne  que  nous  ayons  l'esprit  tant  haut,  ne  tant  aigu,  pour  comprendre  ceste  sagesse  celeste,  laquelle  est  contenue  en  l'Evangile:  mais  que  cela  vient  d'une  grace  de  Dieu,  voire  d'une  grace  laquelle  surmonte  nostre  nature.  Il  reste  maintenant  a  voir  si  ceste  grace  est  commune  a  tous  ou  non.  Or  l'Escriture  saincte  dit  le  contraire:  c'est  assavoir,  que  Dieu  donne  son  sainct  Esprit  a  qui  bon  luy  semble,  qu'il  les  illumine  en  son  Fils.  L'experience  le  monstre  et  en  sommes  convaincus.  Il  faut  donc  conclure  de  cela,  que  la  foy  procede  d'une  source  et  fontaine  plus  haute  et  plus  cachee:  c'est  assavoir  de  l'election  gratuite  de  Dieu,  par  laquelle  il  choisit  a  salut  ceux  que  bon  luy  semble.  Et  c'est  ce  que  S.  Paul  traitte  au  premier  chapitre  des  Ephesiens,  quand  il  benit  Dieu,  non  seulement  de  ce  que  nous  croyons,  ou  bien  de  ce  qu'il  nous  a  donne  Iesus  Christ  auquel  il  nous  faut  croire,  et  que  nous  avons  [page  4]  tout  l'accomplissement  et  perfection  de  nostre  salut  en  luy:  mais  il  dit:  Benit  soit  Dieu  qui  nous  a  appelez,  et  nous  a  illuminez,  voire  comme  il  nous  avoit  eleus  devant  la  constitution  du  monde.  (Ephes.  1,  4.)  Ainsi  donc,  nous  voyons  comment  la  grace  de  Dieu  sera  pleinement  cognue  de  nous,  c'est  assavoir,  non  seulement  quand  nous  serons  persuadez  et  resolus  qu'il  nous  a  donne  la  foy,  mais  qu'il  nous  l'a  donnee,  d'autant  qu'il  nous  avoit  choisis  devant  la  creation  du  monde,  par  sa  volonte.  Or,  sainct  Paul  ne  se  contente  point  encores  de  cela,  mais  il  adiouste,  qu'il  nous  a  eleus,-  selon