58:94  memoire  par  trop  labile,  d'autant,  qu'il  ne  faut  rien  pour  nous  esgarer,  en  sorte  que  nous  ne  saurons  plus  quel  sera  nostre  chemin  :  voila  pourquoy  nostre  Seigneur  ne  nous  donne  pas  si  grande  liberte  comme  nous  voudrions.  Et  ainsi,  toutesfois  et  quantes  que  nous  sommes  retenus  en  des  bornes  plus  estroites  que  nostre  fantasie  n'appete,  cognoissons  que  si  nostre  pere  Isaac  en  a  eu  besoin,  nous  par  plus  forte  raison,  qui  ne  sommes  point  encore  parvenus  a  une  telle  excellence  de  vertu  comme  lui.  Or  cependant  nous  voions  en  Isaac  ce  qui  a  desia  este  declare  en  Abraham.  Dieu  lui  dit,  qu'il  lui  donnera  tous  ces  pais  qu'il  void,  et  par  lesquels  il  a  chemine:  voire:  mais  cependant  il  lui  dit,  Tu  y  habiteras  comme  estranger.  Voila  deux  choses  qui  semblent  encore  repugnantes.  Car  si  Dieu  lui  veut  donner  la  terre  en  possession,  que  ne  se  haste-il?  Pourquoy  est  ce  qu'il  le  laisse  ainsi  languir  ?  Mais  il  n'est  pas  question  du  passe,  il  dit  pour  l'avenir,  Tu  y  habiteras  ;  et  mesme  le  mot  dont  use  Moise,  signifie  Habiter  comme  en  un  pais  estrange,  ainsi  qu'un  passant,  Voila  donc  Isaac  qui  a  la  seigneurie  de  la  terre:  et  cependant  il  n'en  a  pas  un  pi��,  mais  il  faut  qu'il  demeure  la  par  emprunt.  Il  faut  qu'il  soit  suiet  a  beaucoup  de  piques  et  de  molestes,  qui  lui  sont  dressees:  et  cependant  qu'il  n'ait  pas  un  pie  de  terre,  excepte  le  sepulchre  dont  il  a  este  parle  ci  dessus.  Bref,  nous  avons  ici  a  recueillir,  que  Dieu  a  voulu  qu'Isaac  se  reposast  du  tout  sur  sa  Parole:  comme  aussi  c'est  le  fondement,  sur  lequel  il  nous  faut  bastir  tout  le  temps  de  nostre  vie,  et  mesme  en  la  mort.  Car  si  nous  avions  tout  ce  qui  nous  est  desirable,  quelle  seroit  plus  nostre  foy  ni  esperance?  Il  faut  donc  que  les  biens  que  nous  attendons  de  Dieu,  nous  soient  cachez,  et  cependant  que  nous  les  contemplions  seulement  par  Foy,  et  que  nous  facions  cest  honneur  a  Dieu  de  le  tenir  pour  loyal  en  tout  ce  qu'il  a  dit:  combien  qu'il  ne  monstre  pas  l'effect  ne  la  verite  de  ses  promesses,  que  nous  n'apprehendions  point  cela  selon  nostre  raison  et  sensualite:  toutefois  que  nous  disions,  II  l'a  dit,  qu'il  nous  suffise,  il  le  fera.  Quand  donc  nous  pouvons  prendre  tout  nostre  contentement  en  la  seule  Parole  de  Dieu,  voila  une  droite  approbation  de  ce  que  nous  protestons  de  croire  en  lui:  mais  si  nous  voulons  tousiours  tenir  les  arres,  et  avoir  tout  ce  que  nous  desirons,  il  est  certain  que  la  Parole  de  Dieu  ne  nous  sera  plus  en  nulle  estime:  et  ne  pouvons  assez  nous  exercer  en  ceste  meditation-ci.  Et  pourtant,  toutesfois  et  quantes  que  nous  voions  que  Dieu,  apres  avoir  parle  a  ses  serviteurs,  ne  leur  a  pas  monstre  l'accomplissement  et  execution  de  sa  Parole,  cognoissons  que  cela  nous  est  recite,  afin  que  nous  apprenions  d'invoquer  Dieu,  quand  il  nous  laissera  en  suspend,  et  que  nous  defaudrons  mesme,  et  que  nous  serons  desnuez  de