51:94  tous  se  trouvent  plongez  ici  bas,  tellement  qu'ils  ne  peuvent  regarder  a  quoy  Dieu  les  appelle  et  a  quoy  ils  se  doivent  appliquer.  Car  les  uns  veulent  estre  riches,  les  autres  honorez  et  tenus  en  credit,  les  autres  estre  a  leur  aise  et  avoir  leurs  delices,  les  autres  voudront  avoir  et  ceci  et  cela:  mais  cependant  tous  regardent  a  ceste  vie  caduque  et  ne  se  peuvent  eslever  en  haut.  Or  sainct  Paul  dit  que  c'est  bien  raison  que  nous  recueillions  selon  que  nous  avons  seme.  Ceux  donc  qui  s'addonnent  ainsi  au  monde,  et  qui  sement  a  la  chair,  ils  moissonneront  (dit-il)  en  corruption:  c'est  a  dire  qu'en  la  fin  ils  sentiront  que  tout  ce  qu'ils  ont  tant  prise,  n'est  que  fumee.  II  est  vray  que  ce  mot  de  Corruption  se  pourroit  prendre  pour  la  mort  eternelle:  mais  ce  n'est  pas  le  senB  de  sainct  Paul:  car  ii  veut  dire  que  les  hommes  sont  bien  despourveus  de  sens  et  d'avis  d'estre  ainsi  entortillez  en  leur  stupidite  et  solicitudes.  Et  pourquoy?  Si  on  leur  demande,  Or  ca  qu'est-ce  du  monde?  Iis  diront,  une  figure  qui  passe.  Et  qu'est-ce  de  nostre  vie?  Ce  n'est  rien.  Et  qu'est-ce  des  biens  de  ce  monde?  C'est  un  songe.  Tous  donc  diront  cela,  et  neantmoins  ils  y  sont  tellement  ravis  qu'on  ne  les  en  scauroit  retirer,  et  le  diable  les  tient  comme  ensorcelez,  que  Dieu  crie  a  leurs  aureilles,  Et  poures  gens  ou  est-ce  que  vous  estes?  Si  estce  que  tous  se  viendront  plonger  en  ce  bourbier.  Et  combien  qu'ils  cognoissent  que  toutes  leurs  cupiditez  ne  sont  rien,  et  que  ceste  vie  leur  eschappe  bientost,  si  est-ce  qu'ils  y  veulent  demeurer.  Combien  donc  que  Dieu  crie  pour  amener  ceux  qui  sont  malavisez  au  droit  chemin,  si  est-ce  qu'ils  sont  eslourdis,  et  ne  peuvent  obeir  ni  a  conseil,  ni  a  exhortations  qu'ils  oyent.  Voila  donc  pourquoy  S.  Paul  dit  que  ceux  qui  ont  ainsi  seme,  recueilleront  de  la  chair  corruption.  Or  ceux  (dit-il)  qui  ont  seme  a  l'Esprit,  c'est  a  dire  qui  ont  cognu  qu'il  y  a  une  vie  beaucoup  plus  precieuse  que  celle  en  laquelle  nous  sommes,  et  auront  la  du  tout  leur  affection,  et  y  ont  mis  tout  leurs  sens:  ceux  la  recueilleront  la  vie  eternelle  (dit-il)  de  l'Esprit,  c'est  a  dire  d'autant  qu'ils  ont  este  gouvernez  par  l'Esprit  de  Dieu,  qu'ils  ont  tasche  d'y  parvenir  et  d'y  estre  conioints,  voila,  (dit  il)  le  salaire  aussi  qui  leur  est  prepare.  Or  ici  en  premier  lieu,  nous  sommes  admonestez  de  penser  mieux  a  toutes  nos  estudes,  et  a  tout  ce  que  nous  faisons,  a  nos  entreprinses  et  a  nos  souhaits,  et  a  tous  nos  efforts  :  que  nous  regardions  a  quel  but  tout  cela  tend.  Car  ceste  similitude  se  trouvera  tousiours  veritable,  que  nous  semons  quand  nous  appliquons  nostre  labeur  et  industrie  a  ceci  ou  a  cela.  Que  donc  nous  regardions  bien  a  nous,  et  que  nous  cognoissions  combien  que  Dieu  veut  qu'on  cueille  du  bled  et  du  vin  en  ce  monde  pour