50:94  illis  sperare  et  bonam  spem  aliis  dare.  Haec  sinceritas  debuit  illos  permovere,  ne  quid  ab  eo  profectum  in  malam  partem  acciperent.  Interim  hac  occasione  obiter  iterum  suam  in  reliquis  omnibus  negotiis  fidem  commendat.  Ac  si  diceret:  Vobis  hactenus  compertus  fuit  meus  candor,  ut  veracem  me  omnibus  in  rebus  ac  minime  vanum  probaverint  Gaudeo  igitur  me  quoque  veracem  nunc  fuisse,  de  vobis  apud  alios  gloriando.  15.  Viscera  eius  maiorem  in  modum.  Quia  sedes  affectuum  est  in  visceribus,  ideo  hoc  nomine  misericordia,  dilectio  et  omnis  pius  affectus  significatur.  Sed  emphatice  exprimere  voluit,  quum  ante  diligeret  Corinthios  Titus,  fuisse  tunc  vehementius  accensum  ad  ipsos  amandos,  idque  ex  intimo  cordis  affectu.  Porro  his  verbis  Titum  insinuat  in  amorem  Corinthiorum:  sicuti  amari  utile  est  Christi  servos,  quo  magis  prodesse  queant.  Simul  animum  addit  illis  ad  bene  pergendum,  quo  se  bonis  omnibus  reddant  amabiles.  Cum  timore  et  tremore.  His  duobus  verbis  reverentiam  aliquando  simpliciter  significat:  quod  huic  loco  fortassis  non  male  quadraret.  Quamquam  non  displicet,  tremorem  nominatim  positum,  quod  sibi  male  conscii  reverebantur  eius  conspectum.  Expavescunt  quidem  etiam  qui  sunt  obstinati  in  suis  sceleribus  ad  conspectum  iudicis:  sed  voluntaria  trepidatio,  quae  ex  ingenuo  pudore  manat,  signum  est  resipiscentiae.  Utramvis  expositionem  eligas,  docet  hic  locus,  quae  sit  vera  exceptio  ministrorum  Christi.  Non  lauta  scilicet  convivia,  non  sumptuosus  apparatus,  non  blandae  vel  honorificae  salutationes,  non  plausus  theatrici  probum  fidumque  pastorem  oblectant:  sed  plenam  gaudii  satietatem  capit  quum  ex  ore  illius  reverenter  excipitur  salutis  doctrina:  quum  sua  illi  autoritas  constat  in  ecclesiae  aedificationem:  quum  in  eius  disciplinam  se  tradit  populus,  ut  eius  ministerio  sub  Christi  auspiciis  regatur.  Quale  hic  cernimus  in  Tito  exemplum.  In  clausula  tandem  iterum  confirmat  quod  prius  dixit,  se  nunquam  ita  fuisse  offensum,  ut  prorsus  diffideret  Co-  CAPUT  VIII.  1.  Certiorem  autem  vos  facio,  fratres,  de  gratia  Dei,  quae  data  est  in  ecclesiis  Macedoniae:  2.  quoniam  in  multa  probatione  afflictionis  exsuperavit  gaudium  ipsorum:  et  profunda  illorum  paupertas  exundavit  in  divitias  simplicitatis  eorum.  3.  Nam  pro  viribus  {testor)  atque  etiam  supra  vires  fuerunt  voluntarii:  4.  multa  cum  obtestatione  rogantes  nos  ut  grar  Uam  tt  societatem  ministerii  susciperemus  in  sanctos.  5.  Ac  non  quatenus  speradamus:  sed  se  ipsos  dediderunt,  primum  Domino,  deinde  et  nobis  per  voluntatem  Dei:  6.  ut  adkortaremur  Titum,  ut  quemadmodum