31:94  mines,  et  quanti  eos  fecerit,  quum  illis  dominium  contulit  rerum  omnium.  Nam  quum  ipse  nulla  re  indigeat,  in  illorum  usus  destinavit  omnem  coeli  et  terrae  opulentiam.  Rarus  certe  et  incomparabilis  honor,  quod  mortalis  homo  vice  Dei  in  mundo  tanquam  suo  iure  dominatur:  et  quocunque  flectat  oculos,  videt  nihil  sibi  ad  beatam  vitam  deesse.  Porro  quod  primae  ad  Corinth.  15,  27  citatur  hic  locus,  ubi  de  spirituali  Christi  regno  agitur,  si  cui  videtur  ab  hoc  sensu  nimis  remotum:  in  promptu  est  responsio,  nempe  generale  hoc  esse,  totum  mundi  ordinem  ita  esse  compositum,  ut  hominum  felicitati  serviat.  Quomodo  id  uni  Christo  proprie  conveniat,  iam  ostendi  paulo  ante.  Hoc  videndum  modo  restat,  quam  longe  pateat  omnium  subiectio.  Certe  si  quid  adversum  est  hominibus  in  coelo  vel  in  terra,  iam  collapsa  est  illa  ordinis  integritas,  unde  sequitur  humanum  genus,  postquam  defectione  Adae  dissipatum  est,  non  modo  hac  tam  praeclara  et  honorifica  sorte  privatum  esse,  ac  priori  dominio  non  potiri:  sed  captivum  teneri  sub  deformi  pudendaque  servitute.  Quanquam  autem  Christus  legitimus  est  coeli  et  terrae  haeres,  per  quem  recuperant  fideles  quod  ipsis  in  Adam  ablatum  fuerat,  non  tamen  adhuc  re  ipsa  plenam  imperii  sui  possessionem  adiit.  Unde  colligit  apostolus  hoc  solide  completum  non  iri,  donec  abolita  mors  fuerit.  Sic  itaque  ratiocinatur:  Si  Christo  subiecta  sunt  omnia,  nihil  eius  membris  adversum  esse  debet.  Atqui  videmus  mortis  tyrannidem  adhuc  grassari.  Sequitur  ergo  manere  spem  melioris  status.  Hoc  autem  ab  illo  quod  dixi  principio  manat,  naturaliter  in  hunc  finem  conditum  esse  mundum,  ut  ad  felicitatem  hominis  spectent  singulae  eius  partes  tanquam  ad  suum  scopum.  Sic  alibi  probat,  omnes  nos  ad  Christi  tribunal  esse  olim  sistendos  ultimo  die,  quia  scriptum  sit:  Mihi  flectetur  omne  genu.  Subaudienda  enim  est  minor  propositio,  multos  adhuc  superbe  et  contumaciter  excutere  iugum  et  minime  ad  genuflexionem  esse  propensos.  8.  Oves  et  doves  universos  j  atque  etiam  iumenta  agresfia.  9.  Volucres  coelorum  et  pisces  maris,  quod  perambulat  semitas  marium.  10.  Iehova  Domine  noster,  quam  admirabile  est  nomen  tuum  in  tota  terra.  Nondum  penitus  soluta  videtur  proxima  quaestio,  nam  si  expositive  narrat  hic  propheta  quomodo  Deus  omnia  nobis  subiecerit,  talis  subiectio  ad  praesentem  terrenae  vitae  usum  restringitur.  Respondeo  prophetam  hic  non  omnia  complecti,  de  quibus  loquutus  erat:  sed  exemplum  in  parte  una  duntaxat  vel  specie  proferre,  imo  eam  maxime  partem  elegit,  quae  rudibus  quoque  et  crassis  satis  conspicua  est.  Nemo  enim  tam  hebeti  vel  tardo