27:94  nions  de  nous  ranger  sous  l'enseigne  de  nostre  Dieu:  et  comme  il  a  fait  florir  la  verge  d'Aaron  en  despit  de  tous  les  mutins,  cognoissons  qu'il  fera  aussi  bien  ilorir  ce  qu'il  a  institue.  Attendons-nous  a  luy,  et  nous  reposons  la  dessus:  et  cependant  tenons-  nous  cachez  sous  ses  ailes,  et  que  nous  ne  demandions  rien  qui  soit  contre  sa  preeminence,  et  dignite,  et  que  grands  et  petits  luy  facent  hommage.  Quand  nous  y  procederons  ainsi,  esperons  que  comme  il  a  besongne  alors,  qu'il  continuera  aussi  envers  nous.  Mais  cependant  que  nous  retenions  ce  que  dit  ici  Moyse:  Tensez-y^  (dit-il)  voire  afin  d'observer  les  commandemens  que  ie  vous  propose  auiourd'huy.  Or  par  cela  il  nous  monstre  a  quoy  nous  doit  servir  la  memoire  des  chastimens  que  nous  avons  apperceus  de  la  main  de  Dieu.  C'est  pour  nous  ranger  a  son  obeissance.  Car  si  nous  pensons  estre  quittes,  pour  avoir  condamne  ceux  qui  ont  ainsi  trouble  l'ordre  de  Dieu,  et  qui  ont  tasche  de  renverser  la  doctrine  de  nostre  Seigneur  Iesus  Christ,  et  cependant  que  nous  leur  ressemblions,  et  qu'au  bout  d'une  heure  nous  ensuyvions  leurs  pas:  il  est  certain  que  nous  serons  punis  au  double.  Nous  voyons  ce  qui  est  advenu  a  Iehu:  et  c'est  un  miroir  que  nous  devons  tousiours  observer.  Car  si  un  iuge  destourne  d'une  main,  et  qu'il  punisse  de  l'autre  un  larron,  pour  son  profit:  n'est-il  point  punissable  au  double?  Ainsi  en  est-il  advenu  a  Iehu.  Il  est  vray  que  Dieu  s'est  servi  de  luy  pour  punir  les  idolatries,  et  abominations  de  la  maison  d'Achab:  mais  il  les  a  ensuyvi  cependant,  et  il  a  fallu  aussi  que  Dieu  l'ait  puni  comme  un  brigand,  et  qu'il  usast  de  plus  grande  rigueur  que  contre  la  maison  d'Achab,  encores  que  tout  y  fust  dissolu,  et  plein  de  meschancete.  Autant  en  sera-il  donc,  quand  nous  aurons  condamne  les  meschans,  et  contempteurs  de  Dieu,  et  ceux  qui  se  sont  revoltez  contre  luy,  si  nous  voulons  puis  apres  leur  ressembler.  Advisons  donc  a  ce  qui  nous  est  ici  dit  :  c'est  que  Dieu  nous  appelle  a  soy,  quand  nous  avons  veu  une  telle  dissipation  que  les  hommes  avoyent  machinee.  Et  bien,  nostre  Seigneur  les  chastie:  mais  c'est  pour  nostre  profit,  quand  les  meschans  sont  ainsi  punis.  Car  il  veut  qu'a  leur  exemple  nous  tournions  bride,  si  nous  avons  este  esgarez:  qu'au  lieu  qu'auparavant  nous  ne  l'avons  pas  suyvi,  et  n'avons  pas  conforme  nostre  vie  a  sa  parolle,  que  nous  soyons  reunis  en  luy,  et  que  nous  prenions  garde  a  nostre  vie,  voire  pour  observer  tous  les  commandemens  qu'il  nous  propose.  Derechef  ici  Moyse  monstre  que  ce  n'est  point  assez  de  servir  Dieu  a  demi:  comme  les  hommes  tousiours  voudront  avoir  bon  marche.  Il  est  vray  que  nous  aurons  honte,  et  surtout  quand  nous  aurons  apperceu  les  chastimens  de  la  main  de  Dieu  sur  quelques  uns,  et  que  nous  aurons  senti  aussi  qu'il  nous  a  voulu  preserver,  et  qu'il  s'est  monstre  nostre  pere.  Et