23:94  exaggerandam  sceleris  atrocitatem  facit,  quasi  quaedam  eius  contagio  pervenerit  usque  ad  terram,  cui  poenae  exsequutio  mandatur.  Quod  hic  terrae  saevitiam  affingi  nonnulli  putant,  ac  si  eam  conferret  Deus  ferae  belluae,  quae  sanguinem  Abel  hauserit,  a  vero  sensu  alienum  est.  Potius  clementia  illi  meo-  iudicio  xaxa  nQOGwitonoii'av  tribuitur,  quod  foeditatem  exhorrens,  os  suum  tegendo  sanguini  aperuerit,  qui  fraterna  manu  effusus  erat.  Eo  enim  magis  detestabilis  est  hominis  crudelitas,  qui  proximi  sanguinem  fundere  non  horret,  cui  receptaculum  est  sinus  terrae.  Nec  tamen  miraculum  aliquod  fingendum  est,  quasi  insolito  terrae  hiatu  absorptus  fuerit  sanguis:  sed  figurata  est  loquutio,  quae  plus  fuisse  humanitatis  in  terra  sij/gnificat  quam  in  ipso  homine.  Caeterum  quod  aliis  verbis  nunc  maledicitur  Cain,  quam  prius  Adam,  qui  mitius  cum  primo  homine  actum  esse  existimant,  quia  Deus  humano  generi  parcere  voluerit,  nonnihil  coloris  habet.  Audivit  Adam,  Maledicta  erit  terra  propter  te:  nunc  vero  fulmen  ultionis  divinae  in  personam  Cain  vibratur  ac  defigitur.  Quod  autem  poenam  temporalem  alii  notari  putant,  quia  dictum  sit  A  terra,  potius  quam  E  coelo,  ne  posteri  Cain,  praecisa  spe  salutis,  audacius  in  suam  damnationem  ruerent:  mihi  non  satis  firmum  videtur:  quin  potius  terrae  mandari  iudicium  interpretor,  ut  intelligat  Cain  non  procul  vocandum  esse  iudicem,  ac  ne  opus  quidem  esse  ut  angeli  e  coelo  prodeant,  quum  terra  sponte  se  ultricem  offerat.  12.  Quum  excolueris  eam.  Expositio  proximi  versus:  clarius  enim  exprimit  quid  sit  maledici  e  terra:  nempe  quum  suos  cultores  terra  fraudat  laboris  fructu.  Si  quis  obiiciat  poenam  hanc  cunctis  pariter  mortalibus  in  Adae  persona  fuisse  ante  inflictam:  respondeo  mihi  non  esse  dubium  quin  ex  residua  benedictione  aliquid  nunc  quoque  homicidae  fuerit  detractum,  ut  terram  privatim  sibi  infestam  sentiret.  Nam  etsi  communiter  solem  suum  oriri  quotidie  facit  Deus  super  bonos  et  malos  (Matth.  5,  45):  pluviis  tamen  et  grandinibus,  et  nebulis,  nunc  gentis  unius,  nunc  certorum  hominum  (quoties  visum  est)  interim  ulciscitur  peccata,  quatenus  scilicet  ad  statuendum  futuri  iudicii  documentum  utile  est:  deinde  ut  talibus  exemplis  commonefiat  mundus  ,  irato  adversoque  Deo  nihil  feliciter  succedere.  In  primo  antem  homicida  Deus  singulare  edere  specimen  maledictionis  voluit,  cuius  memoria  saeculis  omnibus  exstaret.  Instabilis  et  profugus.  Altera  nunc  quoque  poena  infligitur,  quod  nusquam  potent  securus  consistere,  quocunque  veniat  locorum.  Duas  voces  posuit  Moses,  quae  parum  inter  se  differunt:  nisi  quod  prior  a  jnj  deducitur,  quod  est  vagari:  altera  a  "TO,  quod  fugere  significat.  Distinctio  quam  afferunt  nonnulli,  quod  ]J3  sit  qui  nusquam  habet