21:94  il  eut  la  goutte  plusieurs  iours,  tellement  que  le  18  dudit  mois,  qui  estoit  le  iour  des  Censures  des  Ministres  pour  la  Cene  de  Noel,  ils  firent  leur  assemblee  en  sa  chambre,  luy  estant  au  lict.  Il  y  avoit  eu  la  nuict  une  merveilleuse  Bise,  qui  se  renforca  de  plus  en  plus  tout  ce  iour-la  et  le  lendemain  qui  estoit  iour  de  Samedi,  et  s'appaisa  seulement  le  Dimanche.  Lors  Calvin  en  la  presence  de  plusieurs  des  Ministres,  parlant  de  la  vehemence  de  ceste  Bise,  dit  un  mot  qui  peu  de  iours  apres  fut  trouve  veritable:  Ie  ne  scay,  disoit-il,  que  c'est:  mais  toute  ceste  nuict,  oyant  ce  grand  bruit,  il  me  sembloit  que  c'est  Dieu  qui  sonne  le  tambourin  en  l'air:  ie  ne  pouvoye  oster  cela  de  mon  esprit,  il  se  fait  quelque  grand'chose.  Or  dix  ou  douze  iours  apres,  vindrent  les  nouvelles  que  ce  iour-la  de  Samedi  19  du  mois  avoit  este  la  bataille  de  Dreux,  ou  pour  certain  Dieu  besoigna  *)  contre  les  ennemis  de  son  Eglise,  quoy  qu'on  vueille  dire.  Audit  an,  il  composa  le  petit  livret  intitule:  Response  a  un  certain  Hollandois,  lequel  sous  ombre  de  faire  les  Chrestiens  tous  spirituels,  leur  permet  de  polluer  leurs  corps  en  [g  4]  toutes  idolatries,  laquelle  response  il  adressoit  aux  fideles  du  pays  bas.  Lors  aussi  il  dressa  la  Confession  de  foy  au  nom  des  Eglises  reformees  du  Royaume  de  France,  pour  presenter  a  l'Empereur  et  aux  Princes  et  Estats  d'Allemagne,  en  la  iournee  de  Francfort.  Mais  ladite  Confession  ne  peut  venir  iusques-la,  pource  que  les  passages  estoyent  clos:  depuis  elle  fut  imprimee  lan  1564.  L'an  1563,  il  se  trouva  fort  souvent  mal  dispose.  Et  ne  s'en  faut  esbahir:  car  desia  deux  ou  trois  ans  auparavant  on  voyoit  bien  que  ses  anciennes  infirmitez  se  rengregeoyent,  c'est-assavoir  ses  douleurs  de  teste,  et  grandes  cruditez  qui  luy  causoyent  une  defluxion  perpetuelle.  Il  estoit  aussi  assailli  des  hemorroides,  qui  luy  estoyent  plus  fascheuses  a,  raison  de  l'accident  qu'il  avoit  eu  en  ceste  partie  la  dix-sept  ans  auparavant,  comme  il  a  este  dit,  dont  aussi  il  s'estoit  senti  quelques  fois  depuis.  La  cause  de  si  grande  indisposition  estoit,  qu'en  ne  donnant  nul  repos  a  son  esprit,  il  estoit  en  perpetuelle  indigestion,  a  laquelle  mesmes  il  ne  pensa  iamais,  qu'estant  contreint  par  la  douleur.  Les  coliques  s'ensuivirent,  et  puis  a  la  fin  ia  goutte.  Parmi  tant  de  maladies,  c'est  une  chose  estrange  que  ceste  vivacite  d'esprit  en  estoit  plustost  empeschee  que  diminuee,  et  ceste  dexterite  de  iugement  nullement  alteree.  Il  y  avoit  seulement  ce  mal,  que  le  corps  ne  pouvoit  suivre  l'esprit,  encore  qu'il  s'y  efforcast  par  fois.  Ce  qu'on  cognoistra  par  le  recit  qui  s'ensuit  iusques  au  jour  de  sa  mort.  1)  opera  F.