19:94  Clarissimo  viro  D.  Ioanni  Calvino  Genevensis  ecclesiae  fidelissimo  pastori,  domino  suo  colendo  et  fratri  carissimo.  S.  D.  Si  nescis,  Navarrus  petivit  sibi  a  Principibus  Germanis  viros  aliquot  doctos  mitti.l)  Certo  autem  scio  Wirtembergensem  misisse  Beurlinuni,  Palatinum  Elect.  Dillerum  et  Boquinum.  De  aliis  an  miserint  et  quos  miserint  nescio.  Audio  synodum  Luneburgensem  2)  damnasse  Wittebergensem  et  in  primis  Peucerum.  Quae  superioribus  diebus  scripsi  ad  te  de  conatibus  Lutheranorum  et  confessione  Augustana  Gallis  obtrudenda,  quotidie  magis  magisque  confirmantur.  Non  male  spero  de  Palatino  Elect.  et  Hesso.  De  aliis  varia  referuntur.  Rursus  ergo  vigilandum  et  orandum  esse  puto.  Comitia  JEthaetica3)  sunt  finita.  Discesserunt  summa  cum  indignatione  legati.  Oleum  enim  et  operam  perdiderunt.  Rbaeti  manent  in  religione  constantes.  Comitia  Heremitana  4)  inter  Claronenses  et  5  pagos  sunt  et  ipsa  finita.  Oblata  sunt  rursus  a  4  iudicibus  quaedam  pacis  capita  quae  non  possunt  recipi  a  Claronensibus  citra  religionis  verae  perniciem.  Arbitror  itaque  vel  sententia  iudicum  iuridica  causam  terminandam,  vel  armis,  quod  absit,  discutiendam.  Principes  aliquot  in  Germania  coeperant  conscribere  militem,  quem  iam  rursus  dimittunt.  Non  perspicue  quae  causa  fuerit  rescire  adhuc  potuimus.  D.  Christophorum  Trecium  Polonum5)  tibi,  domine  colende,  commendo.  Integer  est  et  spes  de  eo  maxima  est.  Amat  te  et  colit.  Hybernabit  apud  vos  ut  te  audiat.  Si  hunc  amaveris  et  studia  eius  iuveris  universae  Poloniae  inservies.  Amatur  ab  optimis  ete.  Vale,  carissime  frater,  una  cum  symmystis  et  fratribus,  D.  Eoseto  inprimis.  Salutant  te  nostri  omnes.  Si  quid  ex  Gallia  habes  communica.  A  postremis  illis  tuis  nihil  audivi.  Tiguri  31.  Octobris  1561.  Bullingerus  tuus.  3597.1)  N.  3579.  3594.  2)  De  conventu  Luneburgenst  a  stations  Saxoniae  inferioris  convocato  m.  Iulio  1561,  quo  illi  se  Numburgensi  opposuerunt,  v.  Salig.  III.  763.  3)  N.  3498.  Buchat  VI.  384  sq.  4)  N.  3583.  5)  N.  3394.  3404.