10.1:94  SENSUIT  A  QUI  IL  APPARTIENT  B'INSTITUER  LES  PASTEURS.  Nous  avons  trouve  que  le  meilleur  est  en  cest  endroict  de  suivre  l'ordre  de  l'Eglise  ancienne,  veu  que  ce  n'est  qu'une  pratique  de  ce  qui  nous  est  monstre  par  l'Escriture.  C'est  que  les  Ministres  eslisent  premierement  celui  qu'on  devra  mettre  en  l'office,  l'ayant  faict  assavoir  a  nostre  petit  Conseil  :  apres,  qu'on  l'y  presente:  et  s'il  est  trouve  digne,  [page  6]  qu'il  y  soit  receu  et  accepte:  lui  donnant  tesmoignage  pour  le  produire  finalement  au  peuple  en  la  predication,  afin  qu'il  soit  receu  par  consentement  commun  de  la  compagnie  des  fideles.  Addition  de  ce  qui  a  este  passe  et  conclu  au  conseil  des  deux  Cens  le  9  de  Fevrier  1560  pour  declarer  comme  cest  article  de  la  presentation  doit  estre  entendu,  et  pour  corriger  V  abus  qui  s'y  estoi  commis.  Item,  sur  ce  que  lesdits  spectables  Ministres  nous  ont  remonstre,  que  l'ordonnance  faicte  sur  leur  presentation  n'avoit  point  este  gardee,  d'autant  que  ceux  qui  estoyent  esleuz  et  acceptez  par  la  Seigneurie  ont  este  presentez  simplement  au  temple,  sans  demander  si  on  les  approuvoit:  et  que  par  cela  le  peuple  et  tout  le  corps  de  l'Eglise  ont  este  fraudez  de  leur  liberte,  en  quoy  aussi  il  nous  est  apparu  qu'on  s'estoit  destourne  de  ce  qui  avoit  este  bien  estably  du  commencement:  ioint  aussi  que  lesdicts  Ministres  nous  ont  remonstre  qu'en  tout  ceci  ils  ne  cerchent  point  nul  avantage  pour  eux,  mais  plustost  qu'eux  et  leurs  successeurs  soyent  tenuz  en  bride  plus  courte:  Nous  avons  aussi  arreste,  que  l'Edict  ancien  selon  sa  teneur  soit  deuement  observe.  Et  afin  de  prevenir  tel  abus  comme  il  estoit  survenu,  et  qu'il  n'y  ait  point  de  ceremonie  en  nostre  Eglise  sans  ce  que  la  verite  et  substance  y  soit  coniointe:  nous  avons  proveu  du  remede  qui  s'ensuit.  C'est  quand  un  Ministre  sera  esleu,  que  son  nom  soit  proclamo  avec  [page  7]  avertissement,  que  celui  qui  saura  a  redire  sur  lui  le  vienne  declarer  devant  le  iour  qu'il  devra  estre  presente:  afin  que  s'il  n'estoit  point  capable  de  l'office,  on  procede  a  nouvelle  election.  Et  pour  ce  que  les  Anciens  qui  sont  commis  pour  le  Consistoire  et  superintendence  de  l'Eglise  ont  charge  commune  avec  les  Ministres  de  la  parole,  nous  avons  aussi  arreste  que  leurs  noms  soyent  publiez  en  l'Eglise:  tant  affin  qu'ils  ayent  authorite  requise  a  exercer  leur  estat,  qu'aussi  pour  donner  a.  tous  ceux  de  l'Eglise  liberte  d'avertir  de  leur  insuffisance  ceux  que  il  appartiendra,  assavoir  lun  des  quatre  Syndiques.