46:937  937  DE  LA  PASSION.  de  Dieu  s'estendra  aussi  bien  sur  nous  et  sur  un  chacun  de  ceux  qui  esperent  en  luy.  Cependant  on  pourroit  demander  pourquoy  nostre  Seigneur  Iesus  Christ  a  voulu  estre  enseveli  si  precieusement.  Car  il  semble  bien  que  ce  soyent  choses  superflues  que  de  faire  telle  somptuosito,  et  en  aloes,  et  en  mirrhe  et  en  choses  semblables.  Et  de  faict,  de  quoy  proufite  cela  a  un  trespasses  qu'il  soit  ni  lave,  ni  oingt,  ne  qu'on  luy  face  si  grande  parade?  Il  sembleroit  donc  que  ceci  ne  fust  point  convenable  a  ia  doctrine  de  l'Evangile,  la  ou  il  est  dit  que  nous  ressusciterons  au  dernier  iour  par  la  vertu  inestimable  de  nostre  Dieu.  Ainsi  il  semble  bien  que  toutes  telles  pompes  doyvent  estre  reiettee^  et  mises  en  oubli.  Par  consequent  on  pourroit  iuger  que  Ioseph  a  eu  une  fole  devotion,  qui  seroit  pour  obscurcir  l'esperance  de  la  resurrection.  Mais  nous  avons  a  noter  que  les  Iuifs  ont  eu  telles  ceremonies  iusques  a  tant  que  nostre  Seigneur  Iesus  Christ  ait  accompli  tout  ce  qui  estoit  requis  pour  nostre  salut.  Et  la  sepulture  a  este  pour  lors  comme  les  sacrifices,  et  lavemens,  et  luminaires  du  Temple  et  toutes  choses  semblables.  Car  il  faloit  que  ce  peuple-la,  selon  qu'il  estoit  rude,  fust  entretenu  a  la  facon  des  petis  enfans.  Vray  est  que  par  tout  le  monde  la  sepulture  a  este  tenue  pour  saincte,  et  Dieu  a  voulu  que  cela  fust  engrave  au  coeur  des  hommes,  mesmes  des  Payens,  a  ce  qu'il  n'y  eust  point  d'excuse  que  les  hommes  s'abbrutissent,  pour  n'avoir  nulle  esperance  d'une  meilleure  vie.  Les  Payens  en  ont  abuse:  mais  quoy  qu'il  en  soit,  cela  leur  sera  reproche  au  dernier  iour,  qu'ils  ont  eu  grande  curiosite  pour  ensevelir  les  morts,  qu'il  n'y  a  eu  nation  si  barbare  qui  tousiours  n'ait  prise  beaucoup  cela.  Ils  n'ont  point  sceu  pourquoy,  non  plus  que  de  leurs  sacrifices,  mais  c'a  este  pour  une  condamnation  suffisante,  quand  ils  se  sont  eslongnez  de  la  verite  de  Dieu  et  qu'ils  ont  corrompu  ce  tesmoignage  qu'il  leur  donnoit,  afin  de  les  attirer  a  la  foy  de  la  vie  celeste.  Quoy  qu'il  en  soit,  la  sepulture  en  soy  a  tousiours  este  comme  un  miroir  de  la  resurrection:  car  on  a  mis  les  corps  en  terre  comme  en  garde  pour  un  temps.  S'il  n'y  avoit  point  de  resurrection,  ce  seroit  tout  un  de  les  ietter  afin  qu'ils  fussent  mangez  des  chiens  ou  des  bestes  sauvages:  mais  on  les  a  ensevelis  honorablement,  pour  monstrer  qu'ils  ne  perissoyent  point,  combien  qu'ils  allasaent  en  pourriture.  Les  Iuifs  notamment  ont  eu  quelques  ceremonies.  Il  est  vray  que  les  Egyptiens  ont  surmonte  en  beaucoup  d'especes:  mais  ce  n'estoyent  que  fanfares  pour  faire  grand  deuil,  pour  se  lamenter,  pour  s'arracher  les  cheveux.  Les  Epyptiens  donc  ont  eu  cela,  mais  le  diable  les  avoit  ensorcelez  a  ce  qu'ils  pervertissent  tout  ordre.  Quant  aux  Iuifs,  qui  ont  eu  en  usage  la  sepulture,  c'es-