46:935  935  SERMONS  936  gation.  Afin  donc  que  nous  soyons  lavez  de  toutes  nos  macules,  cognoissons  que  nostre  Seigneur  Iesus  a  voulu  que  l'eau  soit  sortie  de  son  coste  pour  declarer  que  vrayement  il  est  nostre  purete,  et  qu'il  ne  nous  faut  point  chercher  autre  remede  pour  nous  laver  de  toutes  nos  souilleures.  Voyla  donc  comme  il  est  venu  en  eau  et  en  sang,  et  par  ce  moyen  nous  avons  toute  perfection  de  salut  en  luy,  et  ne  nous  faut  point  faire  de  circuits  ne  ca  ne  la,  pour  estre  aidez  de  coste  et  d'autre.  Et  mesmes,  quand  nous  regarderons  de  plus  pres,  nous  verrons  qu'il  y  a  une  bonne  similitude  entre  le  sang  et  l'eau  qui  sont  sortis  du  coste  de  nostre  Seigneur  Iesus  Christ,  et  entre  les  Sacremens  de  l'Eglise,  la  ou  nous  avons  approbation  et  signature  de  ce  qui  a  este  fait  en  sa  mort.  Car  ayant  endure  ce  qui  estoit  requis  pour  nostre  salut,  ayant  plenement  satisfait  a  Dieu  son  Pere,  nous  ayant  sanctifiez,  nous  ayant  acquis  iustice  plene,  il  a  voulu  que  tout  cela  nous  fust  testifie  aux  deux  Sacremens  qu'il  a  instituez.  Ie  di  deux:  car  il  n'y  en  a  pas  d'avantage  qui  soyent  instituez  en  sa  Parolle,  c'est  ascavoir  le  Baptesme  et  la  Cene.  Tout  le  reste  n'est  qu'imagination  frivole  qui  est  venue  de  l'audace  et  temerite  des  hommes.  Voyla  donc  nostre  Seigneur  Iesus  Christ  qui  desploye  la  vertu  de  sa  mort  et  passion  tant  au  Baptesme  qu'en  sa  saincte  Cene.  Car  au  Baptesme  nous  avons  tesmoignage  qu'il  nous  a  lavez  et  nettoyez  de  toutes  nos  pollutions,  tellement  que  Dieu  nous  recoit  en  grace  comme  si  nous  venions  devant  luy  purs  et  nets.  Or  cognoissons  que  l'eau  du  Baptesme  n'ha  point  cest  effet-la.  Un  element  corruptible  que  pourra-il  pour  le  lavement  et  purgation  de  nos  ames?  Mais  c'est  d'autant  que  l'eau  est  sortie  du  coste  de  nostre  Seigneur  Iesus  Christ.  Allons  donc  a  celuy  qui  a  este  crucifie  pour  nous,  quand  nous  voudrons  que  le  Baptesme  nous  soit  utile,  quand  nous  en  voudrons  sentir  le  fruit,  que  nostre  foy  s'addresse  a  nostre  Seigneur  Iesus  Christ,  lequel  veut  que  nous  cherchions  toutes  les  parties  de  nostre  salut  en  luy,  sans  nous  escarter  ne  flechir  ca  et  la.  Et  puis  en  la  saincte  Cene  nous  avons  tesmoignage  que  Iesus  Christ  est  nostre  pasture:  et  sous  le  pain  il  nous  presente  son  corps,  sous  le  vin  son  sang.  Voyla  donc  toute  perfection  de  salut,  quand  nous  sommes  ainsi  purifiez,  et  que  Dieu  nous  accepte  comme  si  nous  n'avions  qu'integrite  et  iustice  en  nous:  et  qu'ainsi  nous  sommes  acquittez  envers  luy  pour  n'estre  plus  coulpables,  d'autant  que  nostre  Seigneur  Iesus  Christ  a  plenement  satisfait  pour  nous,  Voyla  donc  comme  il  nous  faut  faire  proufiter  les  Sacremens,  addreseans  du  tout  nostre  foy  a  nostre  Seigneur  Iesus  Christ,  et  ne  nous  destournans  point  a  nulles  creatures.  Voyla  aussi  comme  nous  devons  estre  confermez  de  ce  qui  s'est  fait  en  la  mort  et