46:934  nous  l'accepterons  avec  ce  sacrifice,  et  que  la  aussi  nous  chercherons  la  remission  de  nos  pechez,  scachans  que  iusques  a  ce  qu'il  nous  ait  nettoyez  et  lavez  nous  sommes  pleins  de  pollution.  Alors  nous  sommes  arrousez  de  son  sang,  de  ceste  aspersion  qui  se  fait  en  nos  ames  par  le  S.  Esprit:  alors  nous  sommes  purifiez  et  Dieu  nous  accepte  pour  son  peuple,  et  nous  sommes  asseurez,  combien  que  son  ire  et  sa  venge  nee  soit  sur  tout  le  monde,  que  toutesfois  il  nous  regarde  en  pitie  et  nous  avoue  pour  ses  enfans.  Voyla  donc  ce  que  nous  avons  a  retenir  de  ce  passage  quand  il  est  dit  que  les  os  de  nostre  Seigneur  Iesus  n'ont  point  este  cassez  ne  rompus,  afin  que  nous  scachions  que  ce  qui  avoit  este  declare  par  figure  en  la  Loy  a  este  verifie  en  sa  personne.  Cependant  il  est  dit  aussi  que  Veau  et  le  sang  sont  sortis  de  son  coste,  et  celuy  qui  Va  veu  en  a  rendu  tesmoignage.  Quand  nous  voyons  que  l'eau  et  le  sang  sont  ainsi  sortis,  il  nous  doit  souvenir  qu'il  nous  apporte  nostre  purgation  et  l'appointement  pour  effacer  nos  fautes,  voire  par  son  Sacrifice,  comme  S.  Iehan  en  parle  en  sa  Canonique.  Vray  est  que  le  sang  se  pourra  figer  en  la  mort,  comme  cela  se  fait  de  nature,  et  qu'avec  le  sang  ii  pourra  venir  l'eau,  c'est  a  dire  le  plus  liquide,  d'autant  que  la  couleur  du  sang  et  ce  qui  est  le  plus  espais  se  sera  retire.  Mais  S.  Iehan  a  declare,  quoy  qu'il  en  soit,  que  Dieu  nous  a  voulu  monstrer  de  quoy  nous  proufite  la  mort  de  son  Fils:  c'est  ascavoir  en  premier  lieu  que  par  l'effusion  de  sang  il  est  appaise  envers  nous,  comme  il  est  dit  que  nulle  remission  de  pechez  ne  se  fait  sans  effusion  de  sang.  Car  voyla  pourquoy  des  le  commencement  du  monde  les  sacrifices  ont  este  offerts.  Dieu  a  bien  declare  qu'il  seroit  propice  a  tous  povres  pecheurs  qui  auroyent  esperance  en  luy:  mais  il  a  voulu  que  les  sacrifices  fussent  adioustez,  comme  s'il  disoit  que  la  remission  des  pechez  seroit  gratuite  quant  aux  hommes,  pource  qu'ils  ne  peuvent  rien  apporter  du  leur:  mais  qu'il  y  auroit  le  Mediateur  pour  recompenser.  Voyla  donc  comme  le  sang  qui  est  descoule  du  coste  de  nostre  Seigneur  Iesus  Christ  nous  est  tesmoignage  que  le  sacrifice  qu'il  a  offert  est  la  recompense  de  toutes  nos  iniquitez,  en  sorte  que  nous  en  sommes  acquittez  devant  Dieu.  li  est  vray  qu'il  nous  en  faut  tousiours  sentir  coulpables,  voire  pour  nous  humilier  et  pour  nous  amener  a  une  vraye  repentance,  et  nous  faire  despouiller  do  toute  presomption.  Mais  quoy  qu'il  en  soit  si  sommes-nous  certifiez  que  Dieu  nous  tient  quittes  et  absous  au  Nom  de  son  Fils,  quand  nous  venons  a,  cognoistre  nos  fautes  et  offenses.  Et  pourquoy?  D'autant  que  le  Sacrifice  de  sa  mort  est  suffisant  pour  effacer  la  memoire  de  toutes  nos  transgressions.  Or  il  y  a  l'eau  qui  emporte  pur-  59*