46:933  933  DE  LA  PASSION.  934  que  sa  verite  est  infalible  et  immuable,  que  nous  demeurions  fermes  iusques  au  bout,  et  que  nous  surmontions  tous  les  troubles,  scandales  et  perplexitez  de  ce  monde,  et  qu'en  gemissant  toutesfois  nous  ne  laissions  pas  d'aspirer  la  ou  nostre  Seigneur  nous  appelle,  c'est  d'attendre  patiemment  que  son  Royaume  soit  establi  en  nous,  et  que  cependant  il  nous  suffise  d'avoir  le  gage  qu'il  nous  donne  de  son  S.  Esprit,  par  lequel  il  nous  testifie  l'adoption  gratuite  qu'il  a  faite  de  nous.  Quand  Dieu  declare  qu'il  nous  tient  et  repute  pour  ses  enfans,  et  que  cela  est  engrave  en  nos  coeurs  par  son  S.  Esprit,  quand  nous  avons  iournellement  la  doctrine  de  l'Evangile  qui  nous  resonne  et  retentit  en  nos  aureilles,  soyons  confermez  en  la  foy  et  ne  defaillons  point,  encore  que  les  choses  soient  si  confuses  qu'on  ne  les  puisse  imaginer  d'avantage.  Voyla  en  somme  ce  que  nous  avons  a  retenir  de  ce  passage.  Or  il  faut  aussi  noter  que  S.  Iehan  recite  devant  que  nostre  Seigneur  Iesus  ait  este  oste  de  la  croix:  ascavoir  qu'on  luy  a  perce  le  coste  pour  veoir  si  desia  il  avoit  rendu  l'esprit.  Car  on  ne  luy  a  point  avance  la  mort  ainsi  qu'aux  deux  brigans:  mais  voyant  qu'il  y  avoit  apparence  que  desia  il  fust  trespasse,  on  l'est  venu  sonder  d'un  coup  de  lance,  et  alors  on  a  cognu  qu'il  estoit  mort,  et  pourtant  les  gendarmes  se  sont  contentez.  Or  il  est  vray  que  ceci,  quand  le  tesmoignage  de  la  Loy  ne  seroit  adiouste,  nous  sembleroit  un  peu  froid:  mais  S.  Iehan  nous  a  voulu  donner  approbation  que  nostre  Seigneur  Iesus  estoit  le  vray  Agneau  paschal,  puis  que  par  la  providence  et  le  conseil  admirable  de  Dieu  ii  a  este  preserve  de  toute  fracture.  Car  il  est  dit  au  12.  chap.  d'Exode  qu'on  mangeroit  l'agneau  paschal,  mais  que  ies  os  n'en  seroyent  point  rompus,  et  qu'ils  demeureroyent  tous  entiers.  A  quoy  a-il  tenu  que  Iesus  n'ait  eu  les  os  cassez?  car  c'estoit  la  facon  commune  comme  nous  voyons.  On  ne  l'a  pas  voulu  espargner,  et  mesme  il  a  este  mis  au  milieu  des  brigans  pour  estre  tenu  comme  le  plus  detestable,  pour  estre  repute  le  principal  entre  les  meschans  et  criminels.  Nous  voyons  donc  que  Dieu  a  yci  besongne  quand  il  a  retenu  les  mains  des  gendarmes,  et  mesmes  a  voulu  que  son  Fils  expirast  afin  d'estre  preserve,  et  que  nous  eussions  yci  un  signe  evident  que  c'estoit  en  luy  que  devoit  estre  accomplie  la  verite  de  ceste  figure  ancienne.  Voyla  donc  comme  il  nous  faut  observer  que  le  Fils  de  Dieu  a  este  preserve  de  toute  fracture  quant  a  ses  os,  afin  que  nous  le  tenions  pour  nostre  Agneau  paschal,  qui  est  pour  nous  preserver  de  Tire  de  Dieu,  quand  nous  serons  marquez  de  son  sang.  Car  il  nous  faut  la.  venir  que,  s'il  est  nostre  Pasque,  il  nous  faut  quant  et  quant  estre  arrousez  de  son  sang,  car  sans  cela  il  ne  nous  proufite  en  rien  qu'il  ait  este  espandu:  mais  quand