46:932  graces  de  son  sainct  Esprit  sur  ces  povres  gens,  qui  auparavant  n'eussent  iamais  ose  faire  declaration  de  leur  foy.  Or  non  seulement  ils  parlent  de  bouche,  mais  ce  qu'ils  font  monstre  qu'ils  aiment  mieux  estre  tenus  execrables  devant  le  monde  et  cependant  ��stre  disciples  de  Iesus  Christ,  que  de  perdre  ce  qu'ils  avoyent  obtenu,  c'est  ascavoir  le  salut  gratuit  qui  leur  avoit  este  propose.  Et  voyla  aussi  pourquoy  ii  est  dit  que  Ioseph  attendoit  le  Royaume  de  Dieu.  Par  ce  mot  il  nous  est  declare  que  nous  sommes  alienez  de  Dieu  et  bannis  de  son  Royaume  iusques  a  ce  qu'il  nous  recueille  a  soy  pour  son  peuple.  Nous  voyons  donc  combien  la  condition  des  hommes  est  miserable,  iusques  a  ce  que  nostre  Seigneur  Iesus  ies  ait  appelez  a  soy  pour  les  desdier  a  son  Pere.  Et  si  nous  sommes  separez  de  ce  bien-la,  mal-heur  et  confusion  sur  nous.  Or  c'estoit  une  grande  vertu  alors  d'attendre  le  Royaume  de  Dieu,  pource  que  les  Iuifs  s'en  estoyent  abbastardis,  et  les  oocasions  en  estoyent  grandes  selon  le  monde.  Car  les  Prophetes  avoyent  declare,  quand  le  peuple  seroit  retourne  de  Babylone,  que  Dieu  seroit  tellement  leur  Redempteur,  qu'il  y  auroit  un  royaume  florissant  en  toute  dignite,  que  le  Temple  seroit  edifie  en  plus  grande  gloire  que  iamais,  que  lors  on  iouyroit  de  tous  biens,  et  que  ce  seroit  une  vie  heureuse^  que  tous  auroyent  repos  et  qu'il  ne  seroit  question  que  de  s'esiouir  en  Dieu,  et  benir  son  Nom  et  luy  rendre  louange.  Voyla  ce  que  les  Prophetes  avoyent  promis.  Mais  quel-  est  l'estat  du  peuple?  Ils  sont  mangez  et  gourmandez  par  leurs  voisins,  on  les  pieque,  on  les  moleste:  quelque  fois  il  y  a  telle  tyrannie  que  le  sang  innocent  est  espandu  par  toute  la  ville,  le  livre  de  la  Loy  est  brusle,  et  defend-  on  d'en  avoir  une  seule  lecture  sur  peine  de  la  vie:  il  y  a  des  cruautez  si  grandes  qui  s'exercent  que  c'est  une  horreur.  Le  Temple  est  plein  de  pollution.  La  maison  de  David  qu'est-elle  devenue?  Elle  est  coupee  du  tout  et  l'estat  va  tousiours  de  mal  en  pis.  Ainsi  donc  il  ne  se  faut  point  esbahir,  si  en  un  peuple  si  rude  et  addonne  a  ses  appetis  et  affections,  il  y  en  a  eu  bien  peu  qui  reteinssent  la  vraye  religion  et  qui  n'eussent  perdu  courage:  comme  nous  voyons  aussi  que  le  nombre  de  ceux  qui  enduroyent  patiemment  et  estoyent  fermes  en  la  foy  estoit  bien  petit  et  bien  rare.  Cela  est  dit  de  Simeon,  il  est  dit  d'Anne  la  prophetesse,  il  est  dit  de  Ioseph.  Mais  quoy?  En  une  multitude  si  grande,  entre  les  Iuifs  en  un  pays  tant  peuple,  le  S.  Esprit  nous  en  propose  quatre  ou  cinq  comme  une  chose  qui  n'estoit  point  accoustumee,  et  rend  tesmoignage  que  ceux-la  attendoyent  le  Royaume  de  Dieu:  mais  c'est  afin  que  nous  apprenions,  quand  tout  sera  confus  et  desesperes  d'avoir  nostre  regard  fiche  en  Dieu.  Et  d'autant