46:931  931  SERMONS  932  nostre  Seigneur  se  fust  assis  en  son  siege  Royal,  et  qu'il  n'y  eust  eu  que  pompe  et  bravete,  et  que  ses  deux  enfans  eussent  la  este  comme  deux  lieutenans  de  nostre  Seigneur.  Commande  Seigneur,  dit-elle,  que  l'un  de  mes  fils  soit  a  ta  dextre,  et  l'autre  a  ta  senestre.  Voyla  une  folle  femme  qui  n'ha  que  gloire  en  sa  teste  et  qui  voudroit  veoir  un  triomphe  terrestre  en  ses  enfans.  Or  la  voyci  en  une  autre  eschole  et  bien  diverse:  car  elle  voit  nostre  Seigneur  Iesus  pendu  en  la  croix,  en  telle  ignominie  et  opprobre  que  tout  le  monde  luy  est  contraire,  et  mesmes  ii  est  la  comme  maudit  de  Dieu.  Ainsi  nous  voyons  que,  quand  nous  serons  amenez  a  telle  confusion  que  nos  esprits  seront  estonnez  de  frayeur  et  d'angoisse,  par  ce  moyen-la  Dieu  nous  despouille  de  toutes  affections  terrestres,  afin  que  rien  n'empesche  que  nous  ne  soyons  eslevez  au  ciel,  et  a  la  vie  spirituelle  a  laquelle  il  nous  faut  aspirer.  Et  nous  ne  le  pouvons  pas  faire  sinon  que  nous  soyons  purgez  de  tout  ce  qui  nous  retient  yci  bas.  Voyla  donc  en  somme  ce  que  nous  avons  a  retenir  touchant  ces  femmes.  Cependant  ce  n'est  pas  a  dire  qu'il  n'y  ait  eu  aussi  des  hommes,  mais  l'intention  du  S.  Esprit  a  este  de  nous  mettre  yci  devant  les  yeux  un  tel  miroir  afin  que  nous  scachions  que  c'est  Dieu  qui  a  conduit  ces  femmes  par  la  vertu  de  son  sainct  Esprit,  et  a  voulu  declarer  sa  vertu  et  sa  grace,  choisissant  des  instrumens  ainsi  foibles  selon  le  monde.  Le  semblable  aussi  se  voit  en  Nicodeme  et  en  Ioseph.  Vray  est  que  S.  Matthieu,  S.  Marc  et  S.  Luc  ne  parlent  que  de  Ioseph,  qui  est  venu  a  Pilate,  et  Nicodeme  a  prins  courage,  voyant  quil  avoit  un  tel  conducteur.  Il  est  vray  que  Nicodeme  estoit  docteur  de  grande  estime,  Ioseph  estoit  homme  riche  et  d'estat,  voire  et  conseillier,  mais  cependant  regardons  s'il  y  a  eu  en  eux  un  tel  zele  que  de  s'exposer  a  la  mort  pour  nostre  Seigneur  Iesus,  et  mesmes  si  durant  sa  vie  ils  ont  quitte  leurs  maisons  pour  le  suyvre.  Nenni  :  mais  quand  ce  vient  a  la  mort  Dieu  les  pousse,  et  les  incite  outre  toute  opinion  humaine.  Nous  voyons  donc  que  Dieu  a  fait  yci  un  changement  estrange  et  admirable,  quand  il  a  donne  ceste  hardiesse  a  Ioseph  et  a  Nicodeme,  qu'ils  n'ayent  pas  craint  la  rage  de  tout  le  peuple,  quand  ils  sont  venus  ensevelir  nostre  Seigneur  Iesus.  Auparavant  Nicodeme  estoit  venu  de  nuict,  craignant  d'estre  note  d'infamie:  maintenant  il  ensevelit  nostre  Seigneur  Iesus,  voire  quand  il  est  venu  a  l'extremite.  Il  faloit  bien  donc  que  Dieu  luy  eust  donne  un  courage  nouveau,  car  il  se  fust  cache,  et  mesmes  nulles  tenebres  ne  luy  eussent  este  assez  obscures  voyant  sa  timidite  et  couardise,  sinon  que  Dieu  eust  corrige  ce  vice-la  en  luy.  Brief,  nous  voyons  comme  la  mort  de  nostre  Seigneur  a  profite,  et  que  desia  il  a  desploye  alors  les